[align=center]السلام عليكم ورحمة الله وبركاته


وجة قصيده الى اخوي الشاعر : محمد الحمادي

ولا احب الاطاله بالمقدمه

اتركم مع القصيده [/align]










[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سلام الله سلامً نستخيره=على ذخرً مذاخيره ذخيره

يفوع اليا نصيته وانتخيته=ويبند للمصايب ما تضيره

يوردها على حوض المنايا=عشان ايفك منهو يستجيره

محمد يامحمد وجد حالي=كسير ونفسي اتغني كسيره

غناها فيه من جور الليالي=لحونً تبكي العين البصيره

ثلاث اسنين والبيدا ذلولي=اكاوفها عن اجموعً غفيره

تبا عثري وكسري واحتقاري=وتبغا لدتي عن كل خيره

تعرضني غباش ونوب مسرا=رجاها تترك بجوفي سعيره

ازايمها وانا جرحي هلكني=يتعبني عن اكمال المسيره

محمد يامحمد خار حيلي=بعد ماحطِت احمولً كثيره

شديد الوقت يامحمد هجرني=عساك اتموت ماشفت الهجيره

قبلت ارد في حلقي كلامي=قبلت اسيد لحلوق النهيره

قبلت اقولها قدم الخضيري=على خشمي وانفات صغيره

قبلت اعيش في قاسي فراري=وانا قبل امس تنطحبي عشيره

شربت السحر من كف العجايز=ثلاث اسنين ماخليت ديره

تحول دمعتي ماحس فيها=وتظهر بالسُحر صيحه خطيره

اسند حيث اسند ماتوعا=واحدر حيث احدر في دبيره

اصودع في مقامي واتعثر=واجاهد بالخفاء مليون حيره

لفاني من جنون الارض تسعه=على خمسه وعشرين النفيره

وجاني من ملك صيخاً بابل=وجتني من جبل مجهول نيره

وثارت من وعت عصر القداما=وعت هارون واقرارت وزيره

عجوزً علمها هز الروابع=بعد ما عدت اعلومً كبيره

وجاني من ملك ظلم المحجل=يدور واوقعت فيه الدويره

وجاني من حرم مكه ثلاثه=ومات بداخلي طفلً غريره

ذبحت اربع وتسعين وزياده=ولاكن يالغلا جوني ثريره

ملوك الجن يامحمد بلتني=وسحري داخل امعاي حشيره

الا يالله ياعالم بحالي=تفرج من فتح للشر بيره

تجاذب يالولي من غير قوه=تجاذب وانت علام السريره

ولا يامحمد الروقي طلبتك=تناصرني على القوم المغيره

طلبتك لا تخلي من عنالك=طلبتك وانتهض ياخو منيره [/poem]

إضافة رد

صح لسانك وأروع من رائعة

وبإذن الله ما يقصر ابو حميد معك

إضافة رد

صح لسانك مدد


وننتظر مجاراة القصيده من محمد


دمت بود

إضافة رد

أسأل الله العظيم رب العرش العظيم
أن يفرج همك ويصرف عنك كل سو

لاهنت وصح لسانك

إضافة رد

حياك الله يالنفيعي


صح بدنك


والف شكر على مرورك

إضافة رد

عبدالله بن طلال

حياك الله وبياك

صح بدنك اكثر يالغالي


وانا متاكد ان الصدى بيكون افضل من الصوت


الف شكر على مرورك

إضافة رد

محمد الحميدي

حياك الله

اللهم امين اللهم امين اللهم امين

وجزاك الله خير


الف شكر على مرورك

إضافة رد

«®°·.¸.•°°·.¸¸.•°°·.¸.•°®»صـ/ـح لسـانكـ وسلمـت الانـامـل التي كتبت هذه ألأبيـات من ذهـت

في أنتـظـار ج ـديدكـ«®°·.¸.•°°·.¸¸.•°°·.¸.•°®»

إضافة رد

صح لسانك يالدلبحي

ولاهنت ...

إضافة رد

نسل الاحرار

صح بدنك

الف شكر على مرورك

إضافة رد