عبدالله الاصعر=
اليا خلص منك العضياني يابن عاصم تعال=ابا اكسر ضلوعك بعد يمناك كسرها علي
انت منوّل حافظ سلوم العرب يابن الحلال=واليوم متخلّف عن السلم الرفيع المعتلي
سعود العصيمي=
حنا خلصلنا من علي وانته الصبح قبل الزوال=اقلط وتبشر بالعلوم الطيبـه فـوق الطلـي!!
انته على بالك علوم ٍ مابعد جاء الها مجـال=وانا على سلمي وعلمي ولي نارآ تصطلـي؟
عبدالله الاصعر=
القول مايصلح بدون فعول قدّام الرجال=ياللي تقول انّك على نهج الامام الحنبلي
نارك تطفيها يابو طايل هماليل الخيال=(لو انت غالي ياسعود ,,وطيّب ولالك حلي)
سعود العصيمي=
قول وفعل وان كان مايعجبـك حـوّل للقتـال=ياللي تقول انك ماتعرف سيف ابو طالب علي؟
انته خيالـك خابرينـه فـي دياجيـر الليـال=عليه مايطلع شروق الشمس ليـل وينجلـي!!
عبدالله الاصعر=
سيف ابن طالب صار من بين العرب مضرب مثال=لكن ما سلّه غير ابن طالب رفيع المنزلي
ان كان تبغى الضل خلّك فالطويل من الجبال=لا تطلع من الضل ياسعود وتلقيها الخلي
سعود العصيمي=
انا عطيتك علم ماغيره جنوب ولاشمـال=ليتك ياعبدالله هذا مانته بواحد من هلي!!
روح لعلي خله يعلمك الجواب من السؤال=وضعك هذا ماينفعك مع من( يموحون الي)
عبدالله الاصعر=
مدام علمك ما يفيد المجتمع في كل حال=ترى العلوم اللي تنزل قيمتي ماهيب الي
ياسعود راجع ,, نفسك اللي في خطاها لاتزال=انته عصيمي مير تال الوقت كنك عبدلي
سعود العصيمي=
أن كان تبغى المسك عان المسك في دم الغزال=وان كان ودك بالعلـوم الثانيـة روح لحلـي.
ليا نسيتوا ماذكرنـا فالحـلال مـن الحـلال=مااستغرب الحية يضويهـا علـي البلبلـي!!
عبدالله الاصعر=
البحر فيه اللول والمرجان (لكنك تعال)=اسبح معي فالبحر لاترثع مثل شاعر بلي
المشكله كيف البعير اللي من خيار الجمال=ليا مشى فالدرب كنه مشية العرنجلي
سعود العصيمي=
وشلون ابا اسبح معك وانت اتشيلهاوسط الطحال=بالله يالاصعـر لاعـاد الدالـك وتلـد لـي.
اشعيل مهما كبر حملـه ماشتكـى وزن الثقـال=مالك مالك الكلمه اللي مـن بـلاد الموصلـي!!
« آخـــر الـــمـــشـــاركــــات »
06-Mar-2010, 03:01 PM
العرض العادي
