اشتقت للمرقاب عصرٍ وعديت:::::::وفي عالي المرقاب دمعي نثرته

[آلاد غنـــام]

اشتقت للمرقاب عصرٍ وعديت =وفي عالي المرقاب دمعي نثرته
ذكرني ايامٍ مع البدو سجيت =وحنيت للماضي بعد ماذكرته
قفى زمان اول وانا عنه قفيت =سند شعيب الهيش وانا حدرته
واليوم عن حاجات نفسي تخليت =قصرت في مشي الجواد وهجرته
ومن صد عني عنه ياعبيد صديت =ومن لاعتبرني فالعرب ماعتبرته
واعرف خطايه واعتذر كل ماخطيت =وليا اعتذر مخطٍ عليه عذرته
وكبار الانفس يمهم ماتعنيت =وان شفتهم في مجلسٍ ماحضرته
ويالله من مدات جودك ترجيت =ورجاي عن كل الاوادم قصرته
من قوتي من حول نفسي تبريت =فوضت لمري واحدٍ ماكفرته
وصلاة ربي عد من طاف بالبيت =على رسوله والكلام اختصرته

الشاعر / سلطان بن براك الغنامي

[كحيلان الهيلا]

واليوم عن حاجات نفسي تخليت =قصرت في مشي الجواد وهجرته
ومن صد عني عنه ياعبيد صديت =ومن لاعتبرني فالعرب ماعتبرته
واعرف خطايه واعتذر كل ماخطيت =وليا اعتذر مخطٍ عليه عذرته
وكبار الانفس يمهم ماتعنيت =وان شفتهم في مجلسٍ ماحضرته
ويالله من مدات جودك ترجيت =ورجاي عن كل الاوادم قصرته



صح لسانك ياولدغنام