مساجله

[أبن شويمي المرشدي]

هذه القصيد موجهه من الشاعر الكبير هايف العضياني الي عبدالله المرشدي ونقول صح لسانك يبو فيصل وبيض الله وجهك

أنـا بسـوق القافيـه للمشاهيـر=اللي لهم في قمـة الشعـر طالـه
اللي بشعره فـاق كـل الشواعيـر=يمتـاز قافـه بالوفـا والجـزالـه
عبدالله الروقي زبـون المخاسيـر=والرجل قالو طيبتـه مـن خوالـه
يالمرشدي قلي عسى وضعك بخير=من عقب وسط السوق شفت النذاله
السوق صـار مضاربـه للهوميـر=وأشوف لي هامور يلعـب لحالـه
راحت دراهمنا وفي حـزة عصيـر=والمال جاء هامور مسرع وشالـه
حاولت ارد المـال مافيـه تقديـر=منـه يلـوم اللـي يـدور حلالـه
ماهمنـي فالبـاب دق المسامـيـر=ومن طول حبالـه نقصـر حبالـه
أرد على هداج واشرب من البيـر=ولاني من اللي في أخر الوقت عاله
الوقـت معطينـا دروس وتعابيـر=واليـوم حنـا حافظيـن الرسالـه
ومن لا رفع راسه وله ماقفن غير=وألا ترى الايـام تطمـس مجالـه
ماعاد فيها تدهن السيـر ويسيـر=واللـي يـدور شـئ يلقـا بدالـه

[الاصمعي]

صح لسااان ابو فيصل

[محمد العتيبي]

صح لسااان الشاعر الكبير / هايف العضياني ..

ولاهنت يالغالي ماقصرت ..

التوقيع

للتواصل عبر twitter تويتر al_bargawy@

[أبن شويمي المرشدي]

مجارات الشاعر هايف العضياني

أنـا بحكـم القافيـه للمناعـيـر=حكم من الهاجوس حـل أجتوالـه
يامرحبا وعـداد نبـت النواويـر=ويامرحبـا وعدادشـئ طـرالـه
بالشاعر اللي فور الـدم تفويـر=اليا بـدا بالقـاف يبعـد مقالـه
إمطور معنـاه بالشعـر تطويـر=وبينه وبين الشعر صدق وزمالـه
جني بيوتـه كالـدلال المباهيـر=أبيـوت شعـر مادخلهـا هزالـه
هايف ولد عاضي رفيع المواكيـر=حـر مواقيعـه بعالـي اجبـالـه
له ماقع يبعد عن اعوير وصويـر=يبعد عن اللـي مايميـز خمالـه
ياهايف الدنيـا تراهـا مشاويـر=تعطيك در س عن الوفا والبطالـه
ونكان تنشدني عن السوق ماحير=السوق دحدر مامشـى بالعدالـه
وانت السبب لي فيه ياسالم الزير=نصحتني بالسوق واثـره زوالـه
سوق هواميره سوات المعاصيـر=سوق لقيت أبه البـلا والجهالـه
كل على كيفـه يـدق المزاميـر=واظن بعض الناس مالـه نكالـه
لوكان به شركات ياصاحبي غيـر=سابـك سهمهـا مالقينـا بدالـه
مير البلا بعض السهوم المحامير=نكس سهمها والسبب من رعالـه
حتى مدير السوق مايفهم ايديـر=ياليت عن سوقه تجيـه استقالـه
وانته ونا من عرض ناس مشاكير=ودنياك هاذي مامشـت بالكمالـه
الكامل اللي مانبي غيـره امشيـر=اليا كتـب للعبـد شـئ عطالـه

وسلامتكم واشكر الشاعر أبوفيصل

[زبون النخاوي]

صحت ألسنتكم مساجله رائعه من شعراء عمالقه ومشكورين

[محمد العتيبي]

صحت السنتكم جميع وجميعكم مبدعين ..

تحيتي لك
..

[أبن شويمي المرشدي]

صحت ابدانكم جميعا والله لايهينكم

[بندر المرشدي]

صح لسااااااانك ياعبدالله


وحياك الله

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه