كنك تشكين

[الشاعر فهد رحيم النفيعي]

هذه قصيدة من نظمي أهديها لهذا المنتدى المميز بتميز أعضائه

كنك تشكين

في حبنا وشلون كنك تشكين = وانتِ ليا غبتي تزايد همومي
ست وعشر مرت وانا قول يومين = من حلوها تضيع كل العلومي
الله عطاك الدين والعرف والزين = ماهي علوم تلوح مثل الحلومي
لو رحت شرق وغرب والهند والصين = انتِ سواة البدر بين النجومي
والوقت ما يصفي به العسر واللين = مشاكله فوق البنادم تحومي
ومهما يطول العمر لابد ما ضين = وين الرجال الوردين القرومي
اليا زعل نزعل وترضى وراضين = واليا بدا واجب نسد اللزومي
واليا ندهته قال حاضر وذلحين = لبيه يا عيني وتفداك قومي
بعده يزيد الشوق والقرب عيدين = قسمه خذاه الزين خير القسومي
بالله لا زلتي بحبي تشكين = وأنتِ لا يا غبتي تزايد همومي

تحياتي للجميع

[محمد سفر الخديدي]

اخوي فهد

بيض الله وجهك

قصيدهـ جزله من رجال ٍ جزل

الله لا يهينك ويرحم والدينك يارب

والله اني حبيت اقتبس منها بيت بيتين ما قدرت

صح الله لسانك واعلا الله شانك

تقبل مروري

دمت مبدع في حفظ المولى جلة قدرته

[فواز علي الروقي]

صح لسانك لاهنت على ماقلت تقبل تحياتي

[فهد مطلق العتيبي]

بيض الله وجهك يافهد

[فايز بن سرحان الثبيتي]

فهد رحيم النفيعي


صح لسانك


وبيض الله وجهك على الحظور المميز


تقبل تحيتي

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[الشاعر فهد رحيم النفيعي]

اشكركم على المرور
تحيتي للجميع