يا الله في نوٍّ مـن الوسـم رعّـاد=تحيّا ربوع المملكـه عقـب نـوّه
يحيّي الفيافي .. عقب محصولها باد=العُود يابس .. والتـراب متشـوّه
لو ان مالي بوش من ضمن الاذواد=لكنّ لـي مـع سجّـة البَـر خـوّه
ولاني بفلاح ٍ .. ولي بيـر وبـلاد=وليـا تـردى الجَـمّ تبغـا عبـوّه
لكنّ صبري طال يا شيـن مقعـاد=بَرَك علينا القيظ .. والوسـم تـوّه
والوقت بوّهني وانا بهّت يا زيـاد=وأشوف شيٍّ فـي زمانـي يبـوّه
اللاش فاد .. وطيّب الراس ما فـاد=يجمـع ومخلِيـةٍ يديـه الـمـروّه
يندّ وجهه كل مـا جَـوه الاجـواد=أمّـا حَيـا .. ولاّ تسُوقـه حمـوّه
وغدا معَ الايام في حـرب وجهـاد=ولا معْه في بعض المسايل جـروّه
وأزرى يوفّي حق نفسـه والاولاد=وحقـوق نـاس ٍ تلحقـه بالعنـوّه
يذكر ويَـدرى سالفـة كـل نقـاد=يخـاف مـن شمّـات والاّ معَـوّه
والاّ الردي يسبح على كبده الـزاد=وفي باقي الاحـوال مالـه طـروّه
لاهوب لا ناشـد ولا عنـه نشـاد=ودايم يلوّذ عـن وجيـه السمـوّه
ماله هو اللي حَط له جـاه وشـداد=وعند المشفّح في الدرجْـة العلـوّه
وان زارهم تفرش له الأرض سجّاد=وهوّه من أوّل ما ضـرى بالحفـوّه
ومن لا يحط المال في بـنّ وقنـاد=ويشـبّ دايـم للمناعيـر ضــوّه
وييسر على المعسر ويبني للامجاد=وينفع صديقه قبـل ينفـع عـدوّه
هذاك قل لـه جعـل مالـه للأنفـاد=وعليه دعوه من عصـور النبـوّه
قلته وانـا للـرزق مانـي بحسّـاد=ولا تُوخذ الأرزاق من بـاب قـوّه
------------------=
سقى الله زمان الشعر فوق النضا العجلات=يغنونـه الركبـان والجيـش لـه شلـه
انا اعرف اسلوب الشعر واختار منه ابيات=ليا اوحـاه راع الفـن والـذوق ماملـه
وانا امتاز في شعري ونظمي والي وقفات=اركزعلـى معنـاه واختـارمـن جـلـه
يجيني بلا موعد ويفرض علـي اوقـات=ظـروف الزمـان اللـي تجيبـه وتدلـه
نصيبي مع الشعـار سبعيـن فالاصـوات=انافـس لرقـم اثنيـن والثالـث احتلـه
وانا عايش ٍ في نجد واخذ معـه جـولات=حصيلي من الدنيا مصيريٍ مـودى ٍ لـه
وانا فالصحاري عشت وارقد خلا وابـات=زمانن مخيف الذيب كلـش طعامـن لـه
علي السباع الجايعـه ترفـع الاصـوات=معي بندقي بلجيك والرمـي صـاح ٍ لـه
ادوس الافاعي حافـي الرجـل فالغابـات=حياتـي كبـد وجهـاد ياصبرمـا نـدلـه
تجارب حياتـي علمتنـي زمانـن فـات=وانا عايش ٍ قبـل الخمينـي وابـن بلـه
ظهور المشاكل بيـن الايـام والساعـات=معـاص ٍ كثيـره واخلفتنـا عـن الملـه
شباب لعب فالشعر مـن كثـر ود وهـات=معانيه خربـت صاحـي القلـب دار ٍ لـه
قنوات يـوم وليـل ماتفصـل الموجـات=عربسـات يرصـد والمحطـات ترسلـه
قصيد ٍ غزاه الجيل فاربع مـن الجهـات=يبـا منفـذ يعطيـه وانشبتـه الشـلـه
يحور ويدور مـع المنابـر وفالساحـات=ضعاف العقول اللي مريضـه تطبـل لـه
عليه العياصيـف القويـه تجـي دفعـات=جنوبـيـة ٍ غربـيـة ٍ شالـتـه كـلـه
-------------------------=
الشعـر ولا وهبـت فيـه جرثومـه=عليه صلـو صـلاة الميـت الغايـب
كثرة وخربة معاني الشعر و علومـه=معاد ندري من المخطي من الصايـب
صابه شلل واختلف وضعه ومفهومـه=ما زال وجعان كيف انعالـج العايـب
مسروق مبيوع والشعـار مضلومـه=كلن طمـع فيـه لامرعـي ولاسايـب
كـل القنـوات بشـعـار مزحـومـه=ما تفرق الشاعر الطيب من الخايـب
هبت ودبـت طيـور الليـل والبومـه=والحـر فالرجـم لا وارد ولاهابيـب
والجيل الاقشر ترك مبـداه واسلومـه=غلطان ما ياخذ الحكمه مـن الشايـب
هذا زمانٍ يصـح العبـد مـن نومـه=المسلـم المعتـدل والمومـن التايـب
انفوس تكسب رضى وانفوس محرومه=هو المودي عزيـز الملـك والجايـب
المسعد اللي يصلي الفرض ويصومـه=يتبع طريق النبي من حظـه الطايـب
----------------------=
تل قلبي تل غرباً تـروح أبـه وتجـي=حايلاً تقفي وتقبل علـى قامـة سجـا
والضوامي جاين الها على العد علجـي=وردها ما وافق الورد فـي ليلـة دجـا
والسبايب صاحبٍ راح ما اطرالي مجي=ومن طرف معوادها قاطع حبـل الرجـا
ما بقا الا التيل يبرد فـوادي ووهجـي=كل مـا كلمتهـا خففـت جـرح لجـا
ان دلهت شوي عيني تنـام وتسهجـي=وأن ذكرته شب له نار في القلب وهجا
أتذكـر صورتـه وأتذكـر مخـرجـي=ويوصل الهاجوس قلبي جبل سلما وأجا
اتخيـل لـي جدايـل عليهـا دلـجـي=والنحر والخد بـراق والعيـن دعجـا
لو اطيع الرجل يمـه تشـل وتدرجـي=مير من يتبع هواء النفس منها ما نجا
ويش اسوي يا ابو خالد بهاك العسوجي=أنت الي في الازماللـي يكلفنـي حجـا
فيه نوع من الدعاوي يضيـعٍ حججـي=والله اللي يقضي الشان والـه الملتجـا
--------------------=
اقول الشعرهاجـوس وقريحـه=يعافكلك ونـوب يهـب ريحـه
ليا صادفك موضـوع يحسّـك=تقوله وانت نفسـك مستريحـه
وتقطف من زهوره كـل ورده=وتستانس مع الـورد ونفيحـه
تصوغ القاف وتصوغ المعانـي=تخيّـر فيـه وتقـد ّم مليحـه
ونوب الشعر عنك يصك بابـه=ولذ ّاته على الشاعر شحيحـه
ياكود اللي يخبطه خبط عشوى=ولايفرق مليحـه مـن قبيحـه
أحد شعره كما الحسـو المرفّـا=مجمّه دوب يملا لـه صفيحـه
وأحد شعره كما هـد ّاج تيمـا=ماينقص ماه لو كـل ّ ٍ يميحـه
وزمان اليـوم شعّـاره كثيـره=يخلطون العسل فـوق اللتيحـه
دخل شعر النبط شعر الحداثـه=ودخل كلّه على شعر الفصيحـه
وكـل ّ ٍ قـام يرسـل للمجلـه=ومحررها يسوي لـه شريحـه
ولو إنّه عارضه قـد ّام ينشـر=على عر ّاف وعقول ٍ رجيحـه
يدلّونـه ليـا غـوي الدلايـل=لاصار انّه يبـا درب المديحـه
يبا من شعره المنشور عـز ّه=وشعر ٍ قد ّّمه راس الفضيحـه
ليا منّـك قريتـه سـد نفسـك=وودنّك مـن الصفحـه تزيحـه
يعاتبـك القلـم ياللـي كتبتـه=وتعاتبـك المعانـي والقريحـه
وأنا ماودّي أجرح لك مشاعـر=وعرض اللي غفل مانستبيحـه
لكن أنصحك من بـاب المـوده=و لعلّك تستفيد مـن النصيحـه
تريّث فالقصيـد إليـا نظمتـه=وتنق إلنـا معانيـه الصحيحـه
ولاتزعل على اللي ينصحونـك=دخيلـك لاتولعـهـا قديـحـه
وأنا ماأقول أنا أعرف من يقوله=أخذها كلمـة ٍ منـي صريحـه
وخلـق الله طبايعهـا تفـاوت=وكل ّ ٍ فيه ميـزه وإلـه ليحـه
أحد مثل الذهب وأثقـل بوزنـه=وأحد مترديّه مـدري نطيحـه
وأحد رجال تنعـم فـي جنابـه=وأحد قربه يشادي شوق شيحه
ولـوّ آعـد ّهـم يامـا ويامـا=لكن الرجل يعرف من نضيحـه
نشكر العضو الاد غنام=
| التوقيع |
ماني بلا روقي ولا برقاوي = انا ثبيتي جد روق وبرقا
|
آخر تعديل علي الثبيتي يوم 26-Apr-2009 في 10:45 PM.
« آخـــر الـــمـــشـــاركــــات »
26-Apr-2009, 10:36 PM
عشاق الدرر تفضلو هنا
العرض العادي
