للناس حاجات(ن) وللقلب حاجــــات **** وكلـــن يجـــــوِد حـــاجته لا لقاهــــا
ولا علي من ساردين الحكــــــــايات **** اللـــي على الماطا تسابق خطاها
العاطلين موالفين المــــخـــــــــدات **** اللـــي لياليـــها تبــــادل ضحـــاهـــا
باقطع معاهم كل ذيك العلاقـــــــات **** من خوف نفسي لاتصـــوب بداهــا
عشات أقوم الصبح وللعزم شــدات **** واقضي حوايج ماحـد اللـي قضاها
ولي حاجتن باخصها خص بالــــذات **** من وقت وعيونــي وراهـــا وراهـــا
لي حاجتن بين القلم والعبـــــــارات **** متعب بنات الفكــــر فــي مبتغاهــا
ومتعب ثلاثة في كثير المــــهــمــات **** ثلاثة(ن) من وحي فكـري عطاهــا
أتعبتهم مابــيــــن روحــــــه وجيــات **** على الخطوط الي تساوى حذاهـاِ
أدخل مطارات(ن) و اخلَي مطــارات **** وأنزل بقاع(ن) سعد منهــو وطاهـا
وأبنـــي تجـــــارة غير كل التجــارات **** تجـارة(ن)بـــالربح يجذب سناهــــا
من ربحها تكثر فيَ البوك بــيـــزات **** وابني بيوت (ن) ماحد اللي بناهــا
ابيوت مزيونه على لربع جهــــــــات **** من وين ما ناظرت يظهـر بهاهـــــــا
كله لعين اللي على القلب لاجـــات **** تشغله بالتفكـــير عمن ســــواهــا
الفاتنه لي تســـــلب العقل والذات **** اللي مع الأيـــــام يــكثر حـــلاهـــا
اللي أبوهـــا قايـــم(ن) للمهمـــات****اللـــي غلاه مزود(ن) مــن غلاهــــا
إن كان نفسي وصَلت للطمــوحات **** يا سعد نفسي ياعــرب ياغناهـــا
وإن كانها ماجابت إلا الفشـــــيلات **** ما قول غير الله يحســـن عزاهـــا
« آخـــر الـــمـــشـــاركــــات »
03-Apr-2009, 10:42 PM
للناس حاجتن وللفلب حاجات
العرض العادي
