مجــــــــاراة لقصيدة /ســــــــــداح (يادافـــــــع الشــــــــعر........)

[عيد العازمي]

الشاعر سداح الغنامي العتيبي


شاعر كبير يملك من سحر الحرف مالا يملكه الا القليل من شعار جيله

قصيدته التالية شدت انتباهي جداً وانتجت خاطرة مني بالاصح وليست مجاراة

لأن الشاعر / سداح استاذ وقدوة فيصعب علي مجاراته

سداح يقول ::

يادافـع الشعـر لاتنسـاق مـن دونـي=مادمـت فـي ذمتـي سـج القـدم فيـه
خلـك علـى نيتـك وظنونـك ظنونـي=وانـا ماغيـر عليـك الظـن والنـيـه
البارحـه مـرت الاحــلام بعيـونـي=احلام سـوداء ماهـي باحـلام ورديـه
امسيت اصوت لها واصبحـت مغبونـي=تفسيرهـا بـيـن هـاذيـه و هـاذيـه
لو تستحي دمعتي من ضحكـه سنونـي=ماكـان حطـت بنـون العيـن ماريـه
اللـي تناسيتوهـم والـلـي تناسـونـي=بالخيـر مذكـوره وبالخـيـر منسـيـه
والحب لاهز صـدري حـرك شجونـي=حطبت حـدب الضلـوع ونارهـا حيـه
اكثر جروحـي سببهـا اللـي يحبونـي=جـرح الحبايـب عطيـب وكيتـه كيـه
تبكي على راسي وتضحك على متونـي=ونفضت خرجي وطـاح الـداب والحيـه
وين انت ياللي عليـك اكوسـر لحونـي=وهيجنت باسمك وشلـت اغلـى هجينيـه
يوم انت حدسي و رسمي واصدق ضنوني=من لامنـي فـي غرامـك لعنبـو حيـه
ياسيـد الحـب معـك الحـب مامونـي=وانـا علـى جرتـك عينـي شقـاويـه
مجبور لاشفتنـي ماشـي علـى هونـي=حاولت وازريـت لاكسـر قيـد رجليـه

وهذه الخاطرة:: اقول فيها ..........

سداح بيّحت خافي كل مكنوني=اثر جروح المهاوي باقيه نيه
حرّك قصيدك جروحي واظهر اطعوني = اللي عن الناس مكتومه وسريه
وانساق هاجوس شعري معك ممنوني =وانتج قصيده على ماقيل رديه
فيها من الوجد والتنهات مليوني= على وليفٍ عديم الوصف موليه
اقفى وسر الغلا بالقلب مصيوني = مصيون ماطاح بـــِيدين الهواويه
خلّيت ذكرى السنين العوج ماعوني = تشيل قصة غرامي روحه وجيه
واليوم وقّفتها واظهرت مخزوني = لو المعاناه ميتينه على ميه
عليه ثوب السعاده جزم مخبوني = اسلوك يوم الوصل بالحزن ملويه
شدّيت حبل الرجا والحبل مقروني = واقرع رشايه بعد ماعقّب الطيه
واليا سحبت الرشا ياناس ,,مالوني = الدلو بالصد والهجران ممليه
والبعد نار ورضيته مار خلّوني = طاريه لازال لو يموت طاريه
يحرقني الصمت بين الطرف والنوني = ويقتلني البوح بعيون السنافيه
لاواعذابي ,ومشكايه وياعوني= بالضبط عشر سنوات الهجر هجريه

اخوكم/ عيد العازمي

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[عبدالرحمن الهيلوم]

ابداع

صح السانك والساان سداخ

[عبدالله الجـــذع]

حجزززززززززززززززززززززززز 2

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[أبوضاري]

صح لسانك ولسان سداح

[عيد العازمي]

الهيلوم --- ابو ضاري


صحت ابدانكم


عبدالله الجذع >>> حجز >>>>شو

ترى ماهي محاوره هههههههههه


لاعدمناك يابو عابد دايم تواجدك مميز


شرفتوا جميعاً

[مرزوق حمدان العتيبي]

والبعد نار ورضيتـه مـار خلّونـي
طاريـه لازال لـو يمـوت طاريـه
يحرقني الصمت بين الطرف والنوني
ويقتلني البـوح بعيـون السنافيـه
...
الله الله
سداح مبدع .. وانت لا يقل ابداعك يابو طلال
صح لسانك ـ ولسانه ...
مجاراه رائعه بحق ....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[زياد المزرمي]

صح اللسان سداح


وصح اللسانك يا ابوطلال


عز الله جاريته يالجزل


اسجل اعجابي بما كتبت


دمت بود

التوقيع

عز الله اني فالوصل ماني بشي !! = ولا الحقوق .. اقولك عد واغلط !! دام المواجه حظ .. ويحالف الحـي = لابد مايحصل ( هلاوين وإقلـط ) زيـاد الـمـزرمـي ziadsm@windowslive.com

[حاكم الغنامي]

الله الله


يابو طلال


صح لسانكـ ولسان خالكـ


ابداع منقطع النظيرررر


واشهد انكـ جاريت وعرفت من تجاري


احترامي

التوقيع

سبحــــان الله وبحمدهـ hakem81@live.com

[سلطان المفرجى]

صح الله لسان سداح ولسانك يالذيب

[عبدالمجيد العطاوي]

صح لساااااااااااااااااااااانك مليووووووووووووووون يالعازمي مبدع مبدع