نحتاج وقفة من سموك ... !

[!!ولدعتيبة!!]

ومضة من القلب انشالله تحوز اعجابكم !


* * *

=اليوم جرحي زايدن فـي نزيفـه
=بسبة مصيبه من مصايب عديـد
=امرن من الله للنفوس الشريفـة
=كلن بجهدة يستلـم لـه فريـدة
=واليوم صايبني من الهم حيفـه
=والله مصيبة والمصبيبة جديـدة
=عز الله انهـا ياقليبـي مخيفـه
=موته من الاغمام ضربة سديـدة
=ياعمري الي مقفين في خريفـة
=لصق جروحك لجل عمرك تعيده
=عشان يرجع من خريفه لصيفـه
=ويعيش وقته في علومن مفيـده
=امسي بشارعنا وعاين رصيفـه
=واعد لمباتـه ومصـدر حديـده
=ومرات اوقف بالبحر عند سيفـه
=واشوف موجاته واعاين رديـده
=ابكي من الي تاركن لـه وليفـه
=عقب الصداقة والسنين المديـده
=اقفى وروح لجل قصة سخيفـة
=وخلى خويه دمعته فـي خديـده
=لاتنسى انه قد طعنهـم بسيفـه
=يومن جسمك قطعوا في وريـده
=ترا خويك من نفوسـن عفيفـه
=مسلم يصلي وفي ضميره عقيدة
=لاشفت زولـه لاتحسبـه جيفـه
=تراه نفسـه ياصحيبـي وديـده
=هذي ظنونك قدمنـا دوم شيفـه
=جاك الجريح الي يدور ضميـده
=ترا القضية ياصحيبـي خفيفـه
=انا جروحـي طالبـك لاتزيـده
=خل العلم يرقى ويكثـر رفيفيـه
=ابيض و ناصع كل شخصن يريده
=ترا قليبك انت وحـدك عريفـه
=نحتاج وقفه من سموك وحيـده

* * *


[ عثمان ]

[السميــــــري]

صح لسانك ياولد عتيبة ..
مبدع . .
قصيدة وافيه ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[!!ولدعتيبة!!]

الله يسلمك صح بدنك ..

الابداع مرورك ياولد العم ..