مساجلة بين ناصر الحافي وسلطان الشغار

[فيصل المسعودي]

	السلام عليكم ورحمة الله وبركاته أحببت أن أنقل لكم إحدى المساجلات التي حصلت بين شاعرين من شعراء قبيلة عتيبة ولإعجابي بها أردت أن أضعها بين أيديكم في هذا الصرح الشامخ : هذه المساجلة جرت بين الشاعر / ناصر بن محمد الحافي و الشاعر/ سلطان بن ناصر الشغار وإليكم المساجلة: يقول الشاعر ناصر بن محمد الحافي : راكب اللي وأن عطا خط الكباري=يعجز الرادار من سرعه يصيده و أعلن الضابط على كل الطواري=والبلاغ اللي صدر ما يستفيده ماعرف شكله ولا هو عنه داري=لحظة ً ماميزه ما كان بيده من يمره قال يا ناس إنتحاري=والله انه ما وقف قدمه يبيده مثل هد الطير لاشاف الحباري=ينطلق ويهد يعجبني هديده حراً ابيض مالقينا له مواري=والمخالب كنٌها صلب الحديده يقهـر الفكسـار ويهيـن السفـاري=فالرخـا ولا المواقـيـف الشـديـده رنج روفر صمٌمه (بلكيز كاري)=من حفيز السيف والرخصه جديده من جنوب العاصمة صوب الصحاري=ناصي خريمان والطرقه بعيده جاهماً مجهام ما أحب المساري=ولا مشيت مع الوجيه اللي بليده طارياً لي مع هل الميقاف طاري=والله اللي عالماً ما في عبيده هاجسي وان هاض يعجب كل قاري=ما تكفيه الصحف ولا الجريده أصخر القيفان لأجل انه يجاري=الأمير اللي ينومسني قصيده شاعراً معروف للوقفات ضاري=مثل أبو فواز عز الله وليده شيخ قوماً يفخر به اللي يماري=كاسب الطالات والخصلة فريده وسط سوق المرجله بايع وشاري=والفعول اللي على دربه حميده قلت في سلطان من شرد اختياري=في ختام ابيات مضمون القصيده ياالله المعبود يامنش الذواري=تسعد الشغار باعماراً مديده والبقا له عٌد ماطارت قماري=جعل ينعم بالحياة اللي سعيده فرد الشاعر القدير / سلطان بن ناصر الشغار: مرحبا بالنور جلاي الغداري=والخطاب اللي وصلنا من بريده اللبيب اللي على نفسه يداري=لامشى درب المخاطر ماتكيده هدٌو السرعه ترى ماهي جباري=والنظام اللي مقرر لاتزيده راحت السرعه مع اصحاب اللواري= يوم طرد القرش والحاله زهيده يوم بعض الناس ياخذها عواري=والله الخالق يدبر مايريده وقتنا الماضي مهو لعب الأتاري=راح وقتاً ياعسى الله مايعيده يالرفيق اللي مشيت مع البراري=مع طريقه ناصي خريمان سيده عطني علومك وخذ رد إعتباري=والكلام اللي مكرر لاتعيده نقطف المعنى مثل قطف الثماري=واكتب الابيات في جمله مفيده انت من ربعي ولا انته لي مباري=كلنا روقه مواقفنا عديده ماتسلفنا من البنك التجاري=روس قوم ومن يكايدنا نكيده يوم كانت بالسيوف وبالشباري=من نوانا مانبقي له شريده ومزبن اللي جايره بعض الجواري=من نواه بشر عن دربه نحيده لعنبو بيتاً بلا درق ومذاري=رجل مايحماه ودك مايشيده قالها قدامنا الشيخ السداري=بيت مايحماك ينهل بهديده اشهد انه قول دكتور استشاري=في مجال الشعر محسوب وفقيده والشعر دايم سريع الإنتشاري=بين نقٌاده وبين اللي يجيده والكلام الزين نقشاً بالصخاري=ذكر للشاعر وتبقى في رصيده ونحمد الله وقتنا وقتاً حضاري=بالأمان وظل دولتنا الرشيده واختم بما قال مسلم والبخاري=عن رسول الله مبلغنا العقيده منقول .

[Man من العتبان]

فيصل المسعودي صح لسان الشعار على المساجله الرائعه

مشكور وماقصرت على النقل الجميل

[هداج المخامر]

شكرا على النقل

وكفوا والله بالشاعرين

[فيصل المسعودي]

المشاركة الأصلية كتبت بواسطة man من العتبان

فيصل المسعودي صح لسان الشعار على المساجله الرائعه

مشكور وماقصرت على النقل الجميل

هلابك يالغالي

العفو ومشكور على مرورك الطيب والجميل ياغالي

تحياتي

[فيصل المسعودي]

المشاركة الأصلية كتبت بواسطة هداج المخامر

شكرا على النقل

وكفوا والله بالشاعرين

هلابك يالغالي

العفو وشكراً لمرورك الطيب والكريم

تحياتي

[سعـود الحافي]

صح لسان الشاعر ناصر الحافي والشاعر الشيخ سلطان بن ناصر الشغار وبيض الله وجهك اخوي فيصل على ماقدمته

[محمد العتيبي]

صح لسان الشاعرين
فقد ابدعوا في قصائدهم وامتعونا بقرائتها ..

تسلم يداك يابومنيف ..
...

التوقيع

للتواصل عبر twitter تويتر al_bargawy@