تموت في عيني لو انـك تكبـرت=وان مت في عيني فقلبـي قبرتـك

[فيصل المسعودي]

قصيدة قرأتها ونالت على إعجابي

للشاعر/

فايز أبو رجيلة الثبيتي

لعلها تنال على إعجابكم

من يوم جابوا طاري الماء تذكرت=علاقـة الظميـان فيـه وذكرتـك
اظماك شوفه وانت مايـوم قـدرت=اني كسبت من الظما لـو خسرتـك
فاذا على بعض المواجـع تذمـرت=انا على كـل المواجـع شكرتـك
تموت في عيني لو انـك تكبـرت=وان مت في عيني فقلبـي قبرتـك
وان كان جرحي يفضحك لو تنكرت=انا مابين ضلوع صدري سترتـك
اكذب عليك ان قلت لك ماتغيـرت=يامـا ترجيتـك ويامـا شبرتـك
تخبرني اللـي فالمواعيـد مابـرت=وانا على وهـم التلاقـي خبرتـك
تدري خطاك انك طعنت وتعـذرت=وانا خطاي اني رضيت وعذرتـك
ارضاك تطعني ولـو ماتصبـرت=لكن على طعنت غـدر ماجبرتـك
قلتلك نزفي جور والموت لو جرت=مع اني اللي قد نهيـت وزجرتـك
ابغاك مابغـاك مـادري تحيـرت=بس المهم من طاري الماء ذكرتـك

منقووول

[/عبد العزيز الجذع/]

الله الله الله الله

صح لسان الشاعر/ فايز ابو رجيلة الثبيتي على هالرائعة.

والف شكر يالغالي على النقل المميز كعادتكـ.

تحياتي.

[السبيــــعي]

من يوم جابوا طاري الماء تذكرت ..

علاقـة الظميـان فيـه وذكرتـك

.

.

.
..............
بس المهم من طاري الماء ذكرتك



والله يافيصل
لم اجد تعليق يجاري تلك الرووووعــــه

[محمد العتيبي]

فايز ابورجيله

اذا لم يخيب ظني فهو شاعر المحاوره المعروف ..
فهو مبدع بجميع اغراض الشعر ..

صح لسانه ..


وتسلم يداك يافيصل المسعودي على هذه الروعه العجيبه
تقبل تحيتي وتقديري ..
...

التوقيع

للتواصل عبر twitter تويتر al_bargawy@

[عبدالرحمن الهيلوم]

صح السانه والسانك ياالغالي

[مدرهم ابو كتيفه]

صح لسانك ولسان الثبيتي


ولا هنت يا ذيباان

[عمر الدغيلبي]

تموت في عيني لو انـك تكبـرت
وان مت في عيني فقلبي قبرتـك


الله الله

صح لسان الشاعر فايز الثبيتي

وقصيدة جزله يا فيصل

ولاهنت على حسن الاختيار والذائقة الطيبه

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[عبدالله هادي ناشي الفليت.]

اقسم باااااالله انه شااااااااعر




تدري خطاك انك طعنت وتعـذرت
وانا خطاي اني رضيت وعذرتـك


مشكور ولاهنت ويااااليت تزودنا من قصاااايده

[بدرالهبيري]

تصفحت الملف الشخصي لأحد الاعضاء ووجدته يشاهد
هذا الموضوع فحزنت كثيرا ً كثيرا ً فلربما لامست القصيده
شعوره وشعور الكثيرين ..
قصيده رائعه اخي فيصل النفيعي والله لايهينك على
نقلها بارك الله فيك ..

تحياتي وتقديري .. بدرعيد ..

[يوسف العازمي]

صح لسان الشاعر

ومشكووور على النقل


ولاهنت