المسعودي وصياف الحربي !!

[((الدلبحي))]

المسعودي
يا سلامي على اللي ليّ عنه اسنين *** لكن اليـــــــــــوم قابلته وقابلنّي
في زمان ٍ قويّه ياكل المسكيـــــــن *** والمساكين لا فيّه ولا منـــــــّــي

صياف
مرحبا ما تطوّل غيبة الحيّيــن *** لوّ ما جيـــــــــت عنده جاك متعنّي
والزمان انقلب واهل البلد ناسين *** ما دروا عن هذاك الداب متثنّي

المسعودي
صارت الحبحبة حمرا على السكين *** لازم ٍ راســــــها المجنون ويغنّي
كيف واحد نفر ياكل غدى عشرين *** وإن نشدته عن الغلطة زعل منّي

صياف
أنت ما ذقتها لو شفتها بالعين *** مير فرّق طــعام الإنس والجنّي
قل لهم ياخذون الزين قبل الشين *** وآخر العلم بالقنطار والطنّي

المسعودي
يا عميل ٍ علومه تختفي وتبين *** ما يواطنك قلبــــــي لو ضحك سنّي
وانت صايم من الجمعة ليا الاثنين *** والتوى بك خضير وقرقع الشنّي

وسلامتكم

[وصل العطياني؟؟؟]

الله اكبر ...

محاورة فريدة ...

لك الشكر على إمتاعنا بها ..



تحياااااااتي

التوقيع

na111na@hotmail.com

[المسرّي]

صارت الحبحبة حمرا على السكين *** لازم ٍ راســــــها المجنون ويغنّي
****************
أنت ما ذقتها لو شفتها بالعين *** مير فرّق طــعام الإنس والجنّي

الدلبحي والله انك مكسب لهذا المنتدى
محاورة ولا اروع " فتل ونقض عجيب "

[((الدلبحي))]

وصل

لك الشكر على اطلاعك وتعليقك الطيب

تحياااااااااااتي

[((الدلبحي))]

المسري

المنتدى هذا مكسب للجميع واول مكسبه يومه جامع النشاما ويمثل الهيلا وهذا شرف الي

تسلم على كلامك اللي اعتبره وسام شرف

تحياااااااااااتي

[داهية عتيبة]

بيض الله وجهك

مناحي مشكور على الاختيار الموفق

تحيااااااااااتي

[((الدلبحي))]

داهية عتيبة

تسلم ياغالي على مرورك الكريم

تحيااااااااااااتي

[مروي العطاشا]

بيض الله وجهك

[((الدلبحي))]

مروي العطشا

وجهك ابيض ومشكور على المتابعه

تحياااااتي