ياكثرهم .. لا قلت لك .. عرفة وجيه / وياقلـهـم .. لا قـلـت .. قــدر ومـعـزه

[طارق النفيعي]

السلام عليكم ورحمة الله وبركاته

احدى روائع المبدع / خلف مشعان

ياكثرهم .. لا قلت لك .. عرفة وجيه=وياقلـهـم .. لا قـلـت .. قــدر ومـعـزه
رجـلٍ .. تعـزه بعـد ماتلتـقـي .. فـيـه=ورجـلٍ .. قبـل ماتلتقـي بـه .. تـعـزه
ورجـلٍ .. تـرزه بالمجـالـس مبـاديـه=ورجـلٍ .. فلوسـه بالمجـالـس تــرزه
ورجلٍ .. يموت ولا يجيبـون طاريـه=ورجل ٍ .. يجي طاريـه فـي كـل حـزه
ورجلٍ يهزه .. بعض موقف ويشقيه=ورجلٍ .. مهوب أيّات موقف يهـزه
ورجلٍ .. ضعيف .. ويستفزه معاديه=ورجـلٍ .. كـلام اعـداه .. مايستـفـزه
ورجلٍ .. تلزه يعترف لـك .. بخافيـه=ورجـلٍ .. علـى خافيـه .. محـدٍ يلـزه
ورجلٍ .. يوزونه .. ويزعـل بنيخيـه=ورجلٍ .. يزعّـل مـن يحـاول ، يـوزه
ورجلٍ .. تكـزه لا زم انـك .. توصيـه=ورجـلٍ .. بلـيّـا مــا توصـيـه .. كــزه
من لا فرش .. للمرجلـه .. ماتغطيـه=ومن لايخز .. النـاس .. محـدٍ يخـزه
ان كنت تعرفني فهي .. عرفة وجيه=مو شرط لك بالقلب قدر .. ومعـزه

أخوكم / طارق النفيعي

التوقيع

أخوكم : طارق النفيعي

[عبدالرحمن الهيلوم]

صح السان الوائلي ولسانك يالغالي

[طارق النفيعي]

مشكوور على الرد

[عبدالله الجـــذع]

الله..

قصيده فيها قناعات ومبادئ الشاعر

شاعر جميل الشاعر الجماهيري خلف بن مشعان

الف شكر لك يالمميز على الاختيار

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عبدالسلام النخيش]

لاهنت يا طارق
وسلمت يمناك عالنقل

[طارق النفيعي]

العفو وشكرا ً على تواصلكم والرد

[/عبد العزيز الجذع/]

يا سلام.

صح لسان خلف المشعان.

والف شكر على النقل.

[طارق النفيعي]

شكرا للرد والتواصل ..

[بن دسمان الزايدي]

السلام عليكم ورحمة الله ،،

ودي بقصيدة صوتية للشاعر المبدع / خلف مشعان

القصيدة بعنوان / أنواع الرجاجيل

وهل هي موجودة بالمنتدى ؟

[طارق النفيعي]

أبشر أبشر

أن حصلتها ما راح أقصر ..

جاري البحث والتدوير ..

وحياك الله في منتديات الهيلا وإن شاء الله نشوف أبداعك وتواصلك ..

أخوك / طارق النفيعي