يدور الزمن والعبد منهي ومأمور..؟؟

[قادح شرار]

المشاركة الأصلية كتبت بواسطة العازمي

ابداااااااااااااع قيلووله هههههههه


ماشاء الله مبدعين وموفقين وغالين


احمد وقادح صحت ابدانكم وطابت افكاركم

حياك الله يابو طلااااااال . أبك الغداء ياولد لا تروّح هالحين نفرغ الرز .

صح بدنك ومرورك فخر ووسام .

[احمد الزايدي]

العازمي


صح بدنك والله يكرمك


شرفنا وأسعدنا حضورك

[احمد الزايدي]

أثرك أحضري لاتمتحنا ياطرطور= تـري مـانـت ياقـادح بتـوني قـريه
ترى الذيب مايصتاد ياناس عصفور=يصيد السمينه كل صبح وعشيه

[قادح شرار]

ههههههههههههههههههه , الله يأخذ شيطانك يا أحمد .

على العموم صح لسانك طال عمرك , ولا تزعل تراني أحب المزووووووح .


شكرا ً لك على إتاحة الفرصة يالغالي .


تحياتي وتقديري .

آخر تعديل قادح شرار يوم 25-May-2008 في 04:54 PM.

[احمد الزايدي]

المشاركة الأصلية كتبت بواسطة احمد الزايدي

احمد الزايدي

يدور الزمن والعبد منهي ومأمور=وربي عليم بكل حسنـه وسئيـه
نسينا أخرتنا نعمر بيوت وقصور=وحــــنا ترانـا فـاالـنهــايـة ضحيـه

قادح شرار

يدور الزمن والوقت دايم بنا يـدور=وعـوّد لربـك لا عملـت الخطيـه
تراك أنت شاعر تسبح بحور وابحور=وتستاهـل البيـرق عطيـة هديـه

احمد الزايدي

أنا أدعيه يغفر لي والاني بمعذور=وربي كريم ورحمتـه سرمديـه
لكن أنت ياقادح لايغرنك الحـور=وتنسى تقول أيـام ربـي مديـه

قادح شرار

ليا تبـت لله يجعـل فدربـك النـور=وتعـرف كتـاب الله وسنـة نبـيّـه
علامك مطفي نارك السمن ب(يبور)=قبل فوق راسـك مـا نهـد الحنيّـه

احمد الزايدي

ليا أبعدت وتجنبت كل شي محذور=طريق السلامه سالم أمـن الأذيـه
ياقادح عطيتك شور ماتسمع الشور=أنا في نحيه وأنت غـازي نحيـه

أنا أدري بدربك.. مير جيتك بساطور=علشـان أبذوقـك علقـة وكـيّـه
أنا ناوي أحطك على القِدر ويفـور=بعدها أتغدى ..وأنتظرلـي شويّـه

احمد الزايدي

أبا أفتك ساطورك وبعطيك باكور=من اللي يفكك يارجل مـن يديـه
أنا ماحسبت أحساب يارجل طابور=لكني ماحـب الكبـر والعنجهيـه

قادح شرار

تراك أنت ذيب وبعض الأحيان ظاطور=ولا أنته بسالـم دام جيـت الحويّـه
ليا شفت صقر يحوم فوقك يا دبّـور=بعدهـا تريّـح تحـت ظِلـه وفيّـه

احمد الزايدي

أثرك أحضري لاتمتحنا ياطرطـور=تري مانت ياقـادح بتونـي قريـه
ترى الذيب مايصتاد ياناس عصفور=يصيد السمينه كل صبـح وعشيـه

[احمد الزايدي]

شكرا على أتاحت الفرصه لي لمجاراتك يا قادح والاني زعلان منك أبد لايهمك.. شكري وتقديري لك شخصا

[كامل الذوق]

مبدعين

وصح السنتكم

والله يوفقكم

[متـعـب المهيدلي]

ماشاء الله عليكم مبدعين

[شقاوي والرجا بالله]

مبدع يالزايدي ولا يهون صاحبك.

[قادح شرار]

المشاركة الأصلية كتبت بواسطة كامل الذوق

مبدعين

وصح السنتكم

والله يوفقكم

مشكوووووووور على مرورك يا كامل الذوق .