وصـل العطيـــــاااني و مستـــــــور العصيمـــي ** وأروع المحـاورات

[ابو عاتق]

وصـــل :

يا مرحبا في محل العزوة الغانمين = ربع ٍ تكمـل وتكـّّرم كل من جالها
والشاعر اللي يبا يلعب يمّد اليمين = يختار بين العلوم ويأخذ إجزالها

مستــور :

إلك البقاء يالمرحب والخوافي تبّين = بقيت يا راعي الصفراء وخيالها
يا وصل يا وصل يا مسلم من المسلمين = النفس ما تنتحاسب غير بأعمالها

وصــــل :

فيه إتفاق ٍ حصل بين الحسن والحسين = بعض العرب ما يكبّ الناس في حالها
وان كان راضي بعلم ٍ صار ربك يعين = بكرة تّدور الليـال وتطـوي حبالها

مستــــور :

باللـه بالله وش دخلك بين الثنين = ليتك تحافظ على غترتك وعقالها
الله يحييك تلقى عندنا علم زين = وام الكباير تروح إتدبر عيالها

وصـــــــل :

الضلع ثابت يزين الوقت وإلا يشّين = حنا نعرف اللزوم ونعرف رجالها
يد وحّــدة ما تصفــّق وانشد الحاضرين = وانته تعرف الدعاوي عمهّا خالهّا

مستـــــــور :

المشكلة جات بين الذيب وابا الحصين = والمشكلة واحدٍ منهم تهيــّا لها
يا صاحبي لا تديّـني ولا ازتاد دين = خلك بفالك وخل الناس بافوالها

وصـــــــل :

ان كان حليتها تبشر بسمن وسمين = وان كان ضويتها حملتك واشتالها
احتال فيهم يالين الحبْْ يرجعّ طحين = تراك تدري عن الحيّلة ومحتالها

مستـــــــــور :

ان كان ما احلها ماني من الطيبين = ترى تعداني الدلة وفنجالها
يا وصل يا وصل وينك من طوال السنين = ان ما تهيت لك الدنيا تهيالها

وصـــــــــــل :

يا ولد تركي بعير القوم جنبّه متين = والناس تدريبهـا مدري يورّالها
والحمد لله ما حنا بمستعجلين = ماللعقد يالعصيمي غير حلالهـا

مستـــــــــور :

دور لراع البعير اللي يجر الحنين = تراه من ناس عزا لك وعزالها

تقبلـــوا تحيـــــــــااتي**

[النفاعي]

ربنا وربهم الله
ضرب سلاح ماعندي في الحكي
ابوعاتق سلمت يمناك يالسنافي

[مرزوق حمدان العتيبي]

ابو عاتق بيض الله وجهك
على احضار هذه المحاوره الممتعه والمفزعه
كيف لا وهي بين اثنين ........ الداهيه ... وشاعرنا المتميّز العطياني
..
استمتعت بقراءتها الله يمتعك بالصحه..
اخوك

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ابو عاتق]

النفــاعي شكرا ً لمرورك العذب


تقبل تحياااتي

اخوك

ابو عاتق

[مروي العطاشا]

مشكور على المحاورة المتميزة

[أبوعتب العطياني]

الله يعطيك العافية يا بو عاتق والله اني ادور على هالمحاورة من زماااااان وصح لسان الشاعر مستور العصيمي وشاعرنا وصل

تقبل تحياتي

[الحر الأشقر]

أبو عاتق لاهنت وسلمت يديك

وصح إلسان أبو تركي وأبو مشهور ومحاورة لا يعلى عليها ولا عجب في ذلك

[ابن مشيب]

ابيات في قمة الجزالة والروعة , صح السان الشعراء الكبار مستور العصيمي ووصل العطياني ( ابو مشهور )......


الله لايهينك يابوعاتق



تحياتي

[أحمد المالكي]

وصل العطياني

شاعر كبير ومن خلال هذه المحاورة ارى ذلك وشهادتي فيه مجروحه

ومستور شيخنا الكبير ومافيها كلام

[وصل العطياني؟؟؟]

أبك هذي من وين باعثها ؟

تسلم يمينك يالذيب ...

وأشكرك أجزل شكر وأصدقه ...

ما قصّــرت والله ...

خدمتني ؛

والله إن الغالي " فرهودي "

وعدّد من الأعضاء يطالبون بمحاوراتي ..

ولا حصّلت فرصة أجيبها ..

لكن بيض الله وجهك ...


وصحّ لسان الشاعر : مستور العصيمي

والشاعر : وصل العطياني <== الإسم هذا قد مرّ عليّ




تحياااااااتي

التوقيع

na111na@hotmail.com