حبيب العازمي** وابن مشيط (طاروق عنيف)

[محب الهيلا]

السلام عليكم ورحمة الله وبركاته


حــبــيــب الــعــازمـــي

ياجاهل فـي عتيبـه يستـر الله عـلاك *** عتيبه ابناء سعد وايظـا خـوال النبـي
وانا مالومك مادام انـك هـذا مستـواك *** لوقلتلـك ويـن ربـك قلـت فابوظبـي



مـحـمــد ابــــن مـشـيــط


ماني بجاهل وعلمي ياولـد روق جـاك *** لوكنت خال النبي يالعازمي فـي شنبـي
الأرض ماهيب لك والعرش ماهو سماك *** ولا يجهل الله تعالى غيـر مثلـك غبـي


حــبــيــب الــعــازمـــي


هذا حديـثٍ موثـق وأعتقـد ماخفـاك *** واللي يعارض حديث الصالحيـن يهبـي
ليتك مادام السعـه عنـا تدربـى وراك *** وانته لوانك ذكي يمديـك جيـت تحبـي


مـحـمــد ابــــن مـشـيــط


يالعازمي هد نفسك وأعتذرك من خطـاك *** دامك توضح حديث من النبـي وشتبـي
ماجزت عن طبعك الماضي يامال الهلاك *** تبغي تسلطن ولا يدخـل معـاك أجنبـي


حــبــيــب الــعــازمـــي


أرجع على الحق وأسلم كان ربي هـداك *** وان كان ما أسلمت قدني واصلك يا صبي
انته ليا جيت في نجران جـاك اشتـراك *** ما أدري من المكرمي ولا مـن الأكلبـي


مـحـمــد ابــــن مـشـيــط


ابلشتنا مع عتيبه وانت مغشـوش مـاك *** غير العصا ياذلول ابليـس ولا اشربـي
ان رحت وان جيت علمي يا حبيب دهاك *** امعرب منسبـي مانـي بـورع صلبـي



حــبــيــب الــعــازمـــي


لا بالله انته مصفى ميـر بلعـن ثـواك *** بلاش ترفع يدك وانتـه تحـت منكبـي
ياشين شكل الكبير اللي عليـه ارتبـاك *** انا اعرف منسبك وانت تعـرف منسبـي


مـحـمــد ابــــن مـشـيــط

ان كانها بالحكي ما حدن تمشـى معـاك *** وان كانها بالفعل منزلك تحـت اركبـي
قدلك تهرب عن ابن مشيط والله رمـاك *** ولا عندنا ياحبيب غيـر صتـم حلبـي



حــبــيــب الــعــازمـــي

ياقدر ليتك مغطى مـا كشفنـا غطـاك *** ركبـك ياجعلهـا بالـداب والعقـربـي
تحدنا بالخطا يـا ليـن نبحـث خفـاك *** واللحيه اللي نقـص تقديرهـا تتربـي



مـحـمــد ابــــن مـشـيــط


ياحارس القول كورتك اسقطت من يـداك *** سددت صوبك قذيفـه والهـدف لولبـي
انت المعزب وانا ضيفٍ تعشـا عشـاك *** وأثرك في صدرك الواسع حكي مختبـي


حــبــيــب الــعــازمـــي


أعطيتك المصحف الطاهر ومسـواك راك *** وأثـرك لامسلـمٍ مخلـص ولاغيهبـي
بلاك ضيفٍ ما صنت معزبـك مـن رداك *** تقـف مابيـن الوجيـه الغـر وتكذبـي



مـحـمــد ابــــن مـشـيــط


رجعتلك مصحفك وأهديت معه السـواك *** مطلبك هذا يابوفيصـل ماهـو مطلبـي
الطيب طبعي مادام أن الردى من وفـاك *** لو يختلف مذهبك مـا يختلـف مذهبـي

[عبدالرحمن الهيلوم]

صح السان حبيب
والله ابن مشيط شاعر ياولد قوي المعني

[محب الهيلا]

المشاركة الأصلية كتبت بواسطة عبدالرحمن الهيلوم

صح السان حبيب
والله ابن مشيط شاعر ياولد قوي المعني

يعيطيك العافية على المرور

[/عبد العزيز الجذع/]

صحت السنتهم..

مشكووور يامحب..

[عبدالله الجـــذع]

الله اكبر

محاوره قمه فالجمآل والروعه

لاهنت يالقرم

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محب الهيلا]

المشاركة الأصلية كتبت بواسطة /عبد العزيز الجذع/

صحت السنتهم..

مشكووور يامحب..

مشكور على المرور

[محب الهيلا]

المشاركة الأصلية كتبت بواسطة عبدالله الجـــذع

الله اكبر

محاوره قمه فالجمآل والروعه

لاهنت يالقرم

محبك

,

مشكورعلى المرور

[وافي الخماش]

محاورة قــــــوويــة لا هنت تسلم يمناك لا عدمناك

[محب الهيلا]

المشاركة الأصلية كتبت بواسطة وافي الخماش

محاورة قــــــوويــة لا هنت تسلم يمناك لا عدمناك

مشكور وماقصرت على المرور

[فهد العجمي]

يعطك العافيه

ومحمد بن مشيط شاعر المره ويمثل قبايل يام وغني عن التعريف

وابو فيصل معروف في شراسته وهجومه

ويعطيك العافيه يالقرم على نقلك هذا المحاوره الشرسه