نـجـد المُـحتلة , ومفاوضات السـلام , (رشيد الزلامي * ابن شايق)

[قادح شرار]

صبحكم / مسّاكم الله بالخير يا أعضاء وزوار منتى قبيلة عتيبة الهيلا .

وبعد.....


في ظل التوترات القبلية التي تعيشها المنطقة , وما يدور بين ردهه وأخرى , وما يتدوال ويُناقش فيه بشكل كبير , وما يحصل من إنكار للكتب المؤرخة والموثوقة . وما يحدث من غيرة وحسد على قبيلة عتيبة الهيلا , إلا أن الحقيقة تبقى حقيقة و الجبل ولله الحمد لا تهزه الرياح .

فأحببت أن أقدم لكم هذه المحاورة النادرة والجميلة التي جمعت شاعرين كبيرين هما : الشاعر الكبير/ رشيد الزلامي , والشاعر الكبير/ عبدالله ابن شايق , أترككم تستمتعون مع هالمحاورة الجميلة .




أبو جميل

.............................................. === ذيك الجبال الطوال اللي يعرّفونها

ما عاد باق ٍ لكم في نجد غير الحصاه === الله عليـكـم مـن الديـرة تشيـلونها





ابن شايق

ليت العتيبي على وجهه ويقفي وراه === ويـفـتّـش الأرض دافـنـهـا ومـدفــونـها

اللـهُ أكـبـر نـسـانـا يــوم نـلعـن ثـواه === يومه نزل من ورى الحرة ومن دونها





أبو جميل

والله لتبقى عتـيبـة معك طـول الحيـاه === الحِـب الأقـشر بلى ليلـى بـمجنـونـها

الجحدري لو نشوفه مـاله ألاّ الـذكـاه === باق القحاطين ما أصعبها ويا هونها





ابن شايق

يـــا مـرحبـا يـا عتـيـبـة تحتكم ملعباه === تبغى الحقيقة عتـيـبـة تسلم عيونها

الجـحدري لو ذبـحتـه ما حصلّك نجاه === قحطان والله ما تترك عندك اديونها





أبو جميل

ذبـح الجحادر علينـا مثل فـرض الصلاه === من شان بعض العلوم اللي يقولونها

تــدرون يــوم إن شـايـبكم تبـيـّن خطــاه === قـلنـا لـكـم نــجــد والله مـا تـطبــونـها





ابن شايق

الجحدري ذيب فالعتبان يـلقى عــشاه === وذيابكم عام الأول طاحت اسنونها

يـا طِـيـب عود ٍ تجونه تدفعون الـزكاه === أنـتم تسـوقون والعالـم يسوقونها




أبو جميل

فيـكم شجاعة وفيـكم وجه ٍ أبيض وجـاه === شهادة ٍ يا عيـال مضيم توحونـها

ألاّ لـيـا جـاتـكـم بـرقـاء وروق الـعصــاه === اتـــدورون الــدروب ولا تدلونها




ابن شايق

وأنـتـم بـعد مـــا عليكم زود فقر وغناه === لا شك بعض الغنايـم ما تجيبونها

مـا شفت غيـر البقوم مـجهزين الرماه === والله لو المقصد أنتم ما تذوقونها





أبو جميل

وقت ٍ مضى وأنقضى كل ٍ عرف مستواه === يوم الليالي تعد اللي بطبلونها

الحـكـم خلى العـرب كـل ٍ يـنزل عــصـاه === بس الحصاه الكبيرة لا تعدونها




ابن شايق

العود هوّن وشاف أرضه وميّز سماه === هوّن من الناس طاعنها ومطعونها






أرجو أن تكون المحاورة نالت على إعجابكم وإستحسانكم .







أخوكم/ قادح شرار.

[عبدالله الجـــذع]

الله ..

محاوره شديده اللهجه.

صح لسان ابوجميل والله يطول عمره..

وصح لسان ابن شايق..

مشكور ياقادح بيض الله وجهك..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[بدر الديحاني]

محاوره جميله جدد

صح السان الشاعرين الكبيرين

عبدالله بن شايق : رشيد الزلامي

وبيض الله وجهك يالغالي

[دوسي زهراني]

محاوره جميله جدا ورائعه بين العلم رشيد الزلامي والشنب بن شايق ..












































تحيـــات عـــاشــق الاهلــي الملكــي وجمهـــوره


نـــايــف الدوســي الزهــــراني

[عبدالرحمن الهيلوم]

مشكووووووووووووور يالغالي
وشعار الله يكفينا شرور الفتن التي ينبشون عنها في مزابل الزمن !!
تقبل مروري

[ابن عقاب الشمري]

صح لسان ابوو شنب
وصح لسان الزلامي

اشكرك يا قادح على المحاورة

واعجبني هذي البيتين ..

وجابها ابوو شنب .. يا سلام يا سلا م


وما اقول إلا كفووو ياا قحطان ساس العرب ..

يـــا مـرحبـا يـا عتـيـبـة تحتكم ملعباه=تبغى الحقيقة عتـيـبـة تسلم عيونها
الجـحدري لو ذبـحتـه ما حصلّك نجاه=قحطان والله ما تترك عندك اديونها

مـا شفت غيـر البقوم مـجهزين الرماه=والله لو المقصد أنتم ما تذوقونها

[ابو شرف]

مشكور على النقل ومحاوره رائعه والف شكر لك وكل من الشعار...

[سهم الليل]

تدرون يوم ان شايبكم تبين خطاه**قلنا لكم نجد ولله ما تطبونها

صح لسانك ياهرم شبه الجزيره




اليا جاتكم برقا وروق العصاه**اتدورون الدروب ولا تدلونها



الحق حق

[قادح شرار]

عبدالله الجذع : هلا يا مرحبابك , ووجهك أبيض ياخوي .

بدر المطيري : حياك الله , ووجهك أبيض يالغالي .

دوسي زهراني : مشكور على مرورك الكريم .

الهيلوم عبدالرحمن : العفو يالغالي , وصدقت الله يكفينا شر الفتن .

إبن عقاب الشمري :العفو ياخوي , والنعم بقبيلة قحطان وقبيلة عزيزة عندنا .

أبو شرف : العفو , ونورت الصفحة .

سهم الليل : مشكور على المرور .



مشكووووووووورين يالأخوان على المرور الجميل الذي أنار الصفحة .



أخوكم/ قادح شرار.

[لافيزي]

محاورة جزلة ليتها صوتية