أمس الضحى عديت روس المراقيب ,,

[عايض بن زوير]

متواضعه,, أضعها بين أيديكم

متمنيا وطامعا

في أن

تنال رضاكم

..

أمس الضحى عديت روس المراقيب=واللي حداني للمراقيب هاجوس
هاجوس يطري من ثلاثين ويغيب=وليا طرى كني من الهم ..ممسوس
وسبايب الهاجوس شفت التعاجيب=في تالي الايام,, والوضع محيوس
شفت أختلاف فالعرب, والهناديب=وأختل ميزان الرياجيل فالروس
صارت مجالسنا لحش العراقيب=الهرج غدرا ,, والعراقيب فانوس
صارت مجالسنا لدق المناسيب=من بعد ماهي للرياجيل ناموس
من بعد ماهي مدهل للمكاسيب=راحت خسايرها مروبع ومسدوس
فيها الثعل يامر وينهى على الذيب=والحر يزهم بوم والليث جاموس
وفيها الثلاث اللي تزيد المشاهيب=بالوت ,,والتنباك ,,والثالث الموس
موس الصحيب اللي يجز الأصاحيب=منه السليم اللي به الموس مغروس
وأكبر قهر.. واللي يزيد الغثاريب=الريس اللي تخبره صار مريوس
وليا نشدت العرف ,ويش التسابيب=فاللي جرى وأضحى به الحال منكوس ؟
جاوبك منهو لحيته كدها الشيب=المال عز نفوس ,, ومذلل نفوس
كم واحد"ن" صدر له المال ترتيب=حتى لو انه فالرياجيل دنفوس
وكم واحد"ن" مفهوق ما به عذاريب=عذروبه المزعوم ما عنده فلوس
وكم واحد"ن" للطيب يرسل مناديب=وهو مالبس للطيب عمه وملبوس
ولكن على الله,, يازمان التعاجيب=منك أستفدنا جملة أحكام ودروس
منك استفدنا كيف في شمخ النيب=تسكن حرار القوم ما تسكن طعوس
منك أستفدنا كيف عكف الاشانيب=اتشوم عن درب به الراي مديوس
ومنك أستفدنا كيف صفو المشاريب=يبقا صفا..ما دام ما راده نجوس
وأخصها ما اعمها ..للمعازيب=اللي مجالسهم بها العز ملموس
والكلمه اللي تسلم الشك والريب=بجرها جر الربابه على القوس
المجلس اللي ما يعمر على الطيب=لا بوه ..لا بو ناس في ظله جلوس

[السميــــــري]

والله رائعة رائعة يامقاطي الحجاز ..

وتسلم هجوووسٍ جابت الدرر هذي ..!!

صح لسانك ..
وأسجل إعجابي بها ..

ولكن علـى الله,, يازمـان التعاجيـب
منك أستفدنـا جملـة أحكـام ودروس

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[هايل الهيلا]

مقاطي الحجاز


يعطيك الله العافيه



وتقبل تحياتي



واعجابي

[وصل العطياني؟؟؟]

صح لســانك ...

قصيدة معبـّرة وتحكي الواقع ...


لا هنت يا ولد العم ...





تحياااااااااااااتي

التوقيع

na111na@hotmail.com

[عبدالله الجـــذع]

فيها الثعل يامر وينهى علـى الذيـب
والحر يزهم بـوم والليـث جامـوس..

جاوبك منهـو لحيتـه كدهـا الشيـب
المال عز نفـوس ,, ومذلـل نفـوس

ماشاء الله عليكـ قصيدهـ في قمه الروعه وجزله يالجزل...

بيض الله وجهك على هذه الدرهـ المعبره حقيقه وهي تعبر عن واقع حالنا للأسف..

مشكور يالغالي ولاتحرمنا من مثل هذه الجزلات..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عبدالرحمن الهيلوم]

صح السانك يالغالي

[عايض بن زوير]

,, السميري ،،


الروعه والله مرورك وأنا أخوك..


صح بدنك ويسلم راسك

واشادة مثلك وسام

,,

,

[عايض بن زوير]

هايل الهيلا

صح بدنك ولك مردود التحايا


,,

,

[عايض بن زوير]

,,, وصل العطياني ...


هلا وغلا ومرحبا بك مليون

مرورك لحاله وسام فخر

صح بدنك

ولا هنت يابن العم

,,,

[عايض بن زوير]

أخوي عبدالله الجذع

تسلم

,,تسلم,, تسلم

وصح بدنك لين ترضى


اشادتك وسام ومرورك فخر

أخوك

....