قصيدة الفراعنه كتابة

[الاصيل!]

ناقتي ياناقتي لاربـاع ولاسديس= وصليني لابتـي من وراء هاك الطعوس
حائلاً رابع سنه من خيار العيس عيس= خفها لادرهمت كنه بالنار محسوس
في دجى خالي خلا لاحسـيس ولاونيـس= تنوخذ من شدة البرد طقطقة الظروس
في عيــوني يكفخ الطير ويطيــح الفريس= وانتهـض جساس من دون خالته البــسوس
وفي خفوقي فرخ جنيـتاً يضرس ضريس= يوم اوردها هجوس واصدرها هجوس
ديرتــي دار ابن ضــاري وابن غثلم جريس = ديرة اللي دوجــــوا فـــي فيــــافي نجـــد جوس
ديرتــــي يابنــــت شيـــخاً ومعدنــها نفيس = عيــــطموساً دونـــــــــــــها دثرتــــني عيطموس
جادلاً مطـــرق جــسدها مع الغربي يميس = طيـــــنتاً من تربة الخلــــــد والــــــــدم محمــوس
نقشت خمساً من الخمس في يوم الخميس= ليــــت شــــــــعري ما ارادت بهــــــــذا دختنوس
كم تمـــــنا إن معه مثلـــها فتـــــنه بلـيس = كان يمكــــن قد قــــــــلب نصف إمتنــــــا مجوس
كن دماث الصـــدر منها كنيسه او كنيس = صومعـة رهبــان ديــراً يؤدون الطقوس
آتقـــــوس مع تقـــوس نواهدها وإقيس = قبـــــتين قاب قوسيـــــــــن قوســــاً جنـــــــب قوس
خصرها يحــكي لنا واقع القوم التعيس = وردفها عن غطرســــــــــــة بوش يعطينـــــا دروس
وبالرغم من قصرها مايجالسها جليس = تصبـــــــح أطــــول نسوة الارض في وضع الجلوس
العروسه ماتبي غير ابو تركي عريس = العروســـــــه نجـــــــــد ماهـــــيب حـــي الله عروس
نجد بنت المجد ونسة مونسة الونيس = ماعسفها الا معـــــزي ضــــــحى اليـــــــوم العبــوس
كل اهل نجد هلي من إجاء حتى الخميس = في ذراهم بالتــــــــجي عــن مجفـــــــفة الرسوس
وعيشتي مابين أسوداً ولو ماني رئيس = (خيـــــــــر من كونـــــــي رئيساً على شلقة تيوس
وليس عيباً إن خدعني بمكره كل هيس = لان مايفـــــــــهم بمكـــــــــر الهيـــوس الا الهيوس
مصطفى في مأدبة عمه البـــابا لويس = كبر اللقمـــــــــــه تحــــــــــت ضؤ حمــراء الكؤوس
وطسم حدتها على حائط المبكى جديس = يوم شقــــت ثوبـــــــــها بنـــــــــت عفار شــــموس
سيدة هاك القصر أسمها الاول لميــس = دونها سمـــــــر الحناجـــــــــــر بتــــرها حـــد موس
قسقسة لاحرارهم.قيس.قيس.قيس.قيس = والبســــــتهم من مهانتــــــــهم انــــــــواع اللبوس
بين خــــدعة كعب اخيلاً ومولد ادونيس = درسونا الالهــــــــــــــه والمــــــــــدرس هنا روس
ويش لاقوا من قناة السويس اهل السويس = وويش لاقوا من تلمسان قوماً من ســـــــــنوس
كلــهم من شدة الجوع راحـــــوا خنـدريس = بين غيبـــــــــوبة مخدر وصحــــوة عرق سوس
ثورة راحوا سببــــها بتــــــوع الاتوبـــــيس = وش نبي فيـــــها وهــــــــي ماتهز الا الغروس
آفة المرء اثنـــــتان الف كاس وحـــب كيس = والنفوس اليـــــــــا بغيت اتعرفــها ارم الفلوس
ينكشف زيف الشعارات الى حمـــي الوطيس = ترجع الاذنـــاب إذناب وتبـــــقى الروس روس
صدق لاقال العرب مايحــــوص الا الخسيس = ولايوط الروس شــــئياً مـــــثل ضـعف النفوس

[عبدالرحمن الهيلوم]

مشكوووووووور يالاصيل 0والفراعنه شاعر مبدع

[أبو مرحبا]

قصيدة رائعه من شاعر رائع


لاهنت يالاصيل على النقل الموفق

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[محب الهيلا]

مشكور وماقصرت

[مرزوق حمدان العتيبي]

..
.
صح لسان فرعون الشعر ..
..
ولاهنت يالاصيل ..
..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[نايف بن صلال]

قصيدة تستحق الثناء وفعلاً ابدعت يالفراعنه اتمنى إن تستمر على هذا العطاء

آفة المرء اثنتان الف كاس وحب كيس ==والنفوس ليابغيت اتعرفها ارم الفلوس
صدق لاقال العرب مايحوص الا الخسيس==ولايوط الروس شيئاً مثل ضعف النفوس

فعلاً مبدع يالفراعنه

[الذيبان]

مشكووور اخوي الاصيل.... ولاهنت على الموضوع.....

الفراعنة شاعر كبير والفراعنة انا من معجبينة الشاعر السبيعي........ وقواه الله

وشكراا
تحياتي

[معلا إبراهيم الأسعدي]

الاصيل

قصيده جميله تسلم على النقل

بارك الله فيك

التوقيع

[الاصيل!]

اشكر الجميع على المرور الطيب
وتحياتي للجميع

[***ابن سعدون***]

الله يعطيك العافية