انجس من الفار

[محمدقبلان]

كلام الـه موقـع ولـه منـزال=عشـاه مـن ضربـة مخاليبـه
اسرع مـن الجـوال بالارسـال=عبـرود مايخطـي مضاريـبـه
واقوى من البركـان والزلـزال=مثل الولد يفتـل فـي اشانيبـه
يابـو بـدر زينلـى الفنـجـال=حتى القصيـد أتزيـن اساليبـه
في الحله اللـى للكفـو مدهـال=مـن زارهـا ياخـذ مطاليبـه
في حال ابا اهرج وامتنع في حال=في الشعر الي قسمي وراضيبـه
ان كان مايطلـع طلـوع هـلال=يحـرم علـي ان زت أغنيـبـه
مثـل الجمـل لاساقـه الجمـال=يسـرى ولايثـنـي عراقيـبـه
أميـز المـطـلاع والمـدخـال=والطيّـب أرحــب واهليـبـه
كـلٍ علـى قـده ولـه مكيـال=واللى مثـل شـرواك اماريبـه
لقيتلـى واحـد عـلاه عـقـال=وش هاالولـد وقـول ياطيبـه
بغيت اسولف له علـوم رجـال=واثـره يـودى العلـم ويجيبـه
اثـره سـوات الهاتـف النقـال=يرسل علـى الشاشـه مكاتيبـه
واثره شبيـه الثعلـب المحتـال=وانجس مـن الفـار وهناديبـه
يلعب على الطـاروق والمـوال=لاسمعلـه طـرقٍ يـلا ليـبـه
قلت اذكـر الله يـاردي الخـال=اعراض خلـق الله لهـا هيبـه
ماعاد لـك فـى دارنـا مقيـال=يالله عسـاك أطـول الغيـبـه
يابو حكـى يالأعـور الدجـال=لاصـدت علـمٍ قمـت توميبـه
منتـه بكفـو احطلـك معـدال=واتعب عوارف حـرب وعتيبـه
يميـن مايسـوى ثــلاث دلال=اقولهـا والـنـاس تدريـبـه

محمدبن قبلان القثامى

آخر تعديل محمدقبلان يوم 20-Jul-2007 في 12:34 PM.

[ذيب روق]

صح لسانك يابن قبلان كلام ضرب مشوووووك تحياتي لك

[ابن نخيلان]

صح لسانك يالقثامي

صح لسانك يالقثامي

لا غرابه في الأبداع

[جنح الدجى]

بغيت اسولف له علـوم رجـال
واثـره يـودى العلـم ويجيبـه
اثره سـوات الهاتـف النقـال
يرسل علـى الشاشـه مكاتيبـه


ابن قبلان صح لسانك مليون


تحياتي

[صنداح الزلامي]

محمد بن قبلان صح لسانك وسمحلي
دكتور شــــعر وللجزيلات راعي *** ياخذ جزايلها ويترك هزلها

مجوهرات الشعرمن فكرواعي*** ليامن أبن قبلان قام وفتلها



تســــــــــلم أبو قبلان نوادر فريدة من نوعها

ســـــــــــجل أعجابــــــــــي واقبل تعلقيقي

دمـــــــــــــت على العـــــــــطا ء الجميــل

[مخلف الهقاوي]

يابـو حكـى يالأعـور الدجـال=لاصـدت علـمٍ قمـت توميبـه
منتـه بكفـو احطلـك معـدال=واتعب عوارف حـرب وعتيبـه
يميـن مايسـوى ثــلاث دلال=اقولـهـا والـنـاس تدريـبـه

الله الله يامحمد لله درّك..

راائع الله لايضرك..

صح لسااانك ملايين

[محمدقبلان]

تحياتى وتقديرى لكل من قام بالرد على القصيده
لاهنتو والله يبض وجيهكم
على التعليق الجميل
الف شكر