محاوره قوووووووويه بين العصيمي والالفيني.

[ابو شرف]

هذه المحاوره جرت في الرياض صيفية عام 1427ه المسماه بملعبة الشفا وهي بين مستور العصيمي وتركي 2000 وكان متواجد من الشعراء:
1/مستور العصيمي.
2/فيصل الرياحي.
3/حمدان العصيمي.
4/تركي 2000.
تركي:
سلامي سلامٍ فيه من شعّة النور=سلامي على اهل العرف واهل المهابه
الا يا هجوسي بعد ما شفت مستور=ابا انشّده عن علم واسمع جوابه


مستور:
هلا مرحبا ترحيبة جالها دور=بحفل الرجال ومن لفا مرحبا به
ليا سلتني عن علم قلت الك مشكور=ابا اعلمّك والعلم محدٍ درى به


تركي:

يدوم البقى يا شاعرٍ تحكم الشور=ليا عدّوا الشعّار شاعر عتابه
انا خابرك ما تقبل الكذب والزور=ولكنّ تالي الوقت فيك انقلابه

مستور:

انا خابرٍ انك فأول الوسم ممطور=عسى الضايعه تبقى عشى للذيابه
يا تركي حرمك الله من جنّة الحور=بعد زيّنت للانبياء والصحابه

تركي:

ليا صارت الوقفات ماني بمعذور=وكلّن على قدّه يفصّل ثيابه
تقوله وانا اللي يسبح ابحور وابحور=ولا اقف على المجنون واطق بابه

مستور:

ترى الرجل ما يصبر على الظلم والجور=بكيفك تباها سلم ولاّ حرابه
انا سقت في بحرك ثلاثين بابور=ترى ما علّي من الحكومه رقابه

تركي:

انا ويش اسوي في هل العمي والعور=ليا لحّنوها فوق قوس الربابه
تذكّر وش اللي صار من عدة شهور=ليا صار بعض الهرج تحسب حسابه

مستور:

ترى العبد من ربه مدبر ومامور=ولا لك عليّ حقوق كبر الذبابه
ترى العلم يا تركي مجوّد ومصرور=ومن طاوله سقم الليالي غدا به

تركي:

ترى البيت يا مستور ثابت ومعمور=ولكن لا تعصب عليك العصابه
ليا صرت في دنياك طيّب ومسرور=طريقٍ يجيب الك الشقى وش تبى به

مستور:

على صحبة الخبلان ماني بمجبور=يجي لليالي ميلةٍ وانقلابه
عسى الله يفك العسر عن كل معسور=هلا مرحبا ما جابه الحظ جابه
تركي:

تقوله وعظمك تالي الوقت مكسور=وحطك زمانك بين ظرسه ونابه
ترى كل علمٍ له بواين ومخبور=ولا فيه من بيني وبينك طلابه

مستور:

بعثناك وانت من اول الوقت مقبور=اعلّم بها خندف واعلّم شبابه
لك الله ما تسري وخاطرك مجبور=لا اوديك للترحيل يا حج بابه

تركي:

علمنا على الطالات والعز منشور=ولكن خل الكذب واعقل ركابه
تبا النصر يا مستور منته بمنصور=وانا من عيال مطير ماني جلابه

مستور:

والا يالمطيري منت بالخير مذكور=ويا ليتهم ما علموك الكتابه
بالا سرار بالله علمه يا ابن منصور=نباها مع الرجال جابه بجابه
...وتقـــــــــــــبلوا تحيـــــــــــــــاتي...
ولا تنسون ردودكم...

[ابوبجاد الرويس]

مشكووووووووووور

وووووووووولاهنت

[ابو براك]

مشكور على المحاوره ولاهنت

[الاســـتاذ]

............. الاستاذ العبارات الاستفزازيه والخزعبلات خلها في غير هالمنتدى لانريد في كل موضوع مهاترات حنا في غنا عنها....
انتبه !!
الاداره

[ابو فايح]

غير الكلام هذا عندك شي قال ايش قال شاعر الوطن لا ومسمي نفسه الاستاذ لا والله طالب في الروضه دامك ما تعرف من هو شاعر الوطن الحقيقي .

لاهنت ابو شرف على المحاوره الرائعه

التوقيع

عالم تويتر abofayeh@

[الاســـتاذ]

لا والله انا اخوك ماقلت غير الحق
مايزعل من الحق احد انا اخوك
وتقبلوا تحياتي

[محمد الزايدي]

الف شكر لك

محاوره راااااااائعة

[تركي عايض]

أخوي أبو شرف شكرا ًوبيض الله وجهك صراحة محاورة قووووية وتقبل تحياتي ،،
أبــــــ عايض ــــــو

[سفيرشيبان]

والا يالمطيري منت بالخير مذكور=ويا ليتهم ما علموك الكتابه
بالا سرار بالله علمه يا ابن منصور=نباها مع الرجال جابه بجابه

اسمعوا اسمعوا

[فالح الكرنافـ]

مشكور على المحاورهـ الرائعهـ

وبيضـ اللهـ وجهكـ ياابو شرفـ

واللهـ يعطيكـ العافيهـ يا ذيبـ

نتظر جديدكـ