مرحوم يا عبد الله العير مرحوم

[وصل العطياني؟؟؟]

هذه القصيدة في رثاء الأخ والزميل الشاعر:



عبد الله العير تغمده الله بواسع رحمته




[poet font="Simplified Arabic,5,black,normal,normal" bkcolor="white" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
لو أزعج الونات ماني بمليوم=ولا للذي يبكي من الحزن لايم

والله والله لحاربت عيني النوم=وإني كرهت الشعر وأيّا العزايم

والنوم مايهنئ على عين مهموم=وأنا همومي زايمتني مزايم

مرحوم ياعبد الله العير مرحوم=يامن بعد فرقاك ذقت الهضايم

ذكراك تبقى داخلي دايم الدوم=دامت على راسي تهب النسايم

ياصاحبٍ قلبه من الحقد معصوم=أبيض من الشاشة وبيض العمايم

محبوب بين الناس ,طحطوح,زيزوم=عظيم تصغر في نظره العظايم

لكن امر ربي مقدر ومقسوم=مافيه أحد يبقى على الأرض دايم

طول السنين يروح قوم ويجي قوم=ناسٍ هذا جالس وهذاك قايم

كم راح من فارس وكم راح شغموم=وكم راح من شيخٍ قوي العزايم

ماكنهم في الأرض عاشوا ولا يوم=ماباقي ألاّ ذكرهم في القدايم

يالله يا معبود ياحي قيوم=يامن له المسلم مصلي وصايم

مافيه من رحمتك مخلوق محروم=عاشت تحت رحمتك حتى البهايم

إغفر لعبدٍ تحت رحمتك محكوم=وإجزاه بالجنة وجزل الغنايم
[/poet]



نسأل الله له الرحمة ولموتى المسلمين

فلقد كان صديقاً وافياً




وسلامتكم .

التوقيع

na111na@hotmail.com

[ابن مشيب]

الله يعطيك العافيه ياخوي وصل العطياني؟؟؟ , على هذة القصيدة المعبرة والتي ترثي الشاعر المرحوم بإذن الله عبدالله العير.


ابن مشيب.

[بعيـد المرامع]

الله يرحم العير واموات المسلمين..
مرثيه معبره ووفاء غير مستغرب على من مثلك وشرواك..
صح لسانك ياوصل ......وجزاك الله خير الجزاء.

بعيد المرامع .....

التوقيع

تنويه ..وتنبيه ..مرامعي.. لوحظ في بعض المنتديات و من بعض الاخوه هداهم الله ..سرقة بعض مواضيعي في منتدى الهيلا..ونشرها في منتدياتهم ..بمعرف "بعيد المرامع" ..لإيهام القارئ والمتصفح ..بأنه صاحب الموضوع..والكاتب بعيد المرامع لذا أود التنويه .. بأني ..انا يا بعيد المرامع..ليس لدي اي معرف اخر..خارج موقع منتديات عتيبه الهيلا إطلاقاً.. B3EED_MRAM3@HOTMAIL.COM

[ابو فراس]

رحم الله عبد الله العير واسكنه فسيح جناته

والهم ذويه ومحبيه الصبر والسلون

[فيصل محمد]

وفي والله يا وصل العطياني

صح لسانك على هالمرثيه المعبره فقد أجدت في كل كلمه قلتها..

[وصل العطياني؟؟؟]

ابن مشيب

الله يسلمك

ومشكور على ردك

[ناصر العصيمي]

بعد التحيه

سلمت يمينك على المرثيه فقد اجدت في صياغتها ..

وتغمد الله الفقيد بواسع رحمته

[لــيــل]

رحمه الله رحمة واسعه


يعني كل من عرفه يثني عليه.....

وانتم شهداء الله فالارض...

رحمه الله واموات المسلمين.

[ابو وعيل]

صح لسااااانك ياوصل


قصيدة معبرة


ورحم الله الشاعر عبدالله العير واسكنه الله فسيح جناته .

[ابن جدعــان]

يا وصل .صح لسانك.

ورحم الله العير.