حــــلوات الالــــــبــــــــان

[سعد بن مطلق المقاطي]

يالله ياللـي مالنـا عنـك مـزبـان=ياللي تدير الكون مـن غيـر ريضـه
يالواحد اللي فارضٍ خمـس الاركـان=انـك توفقـنـا قـيـام الفريـضـه
وتثبت اعبـادك علـى درب الايمـان=تشفي قلـوب المسلميـن المريضـه
واللي ماهو من سوق الاسهم بخسران=عزالله انـه مـن نفوسـآ حضيضـه
مير البلا اللي جـاه نكبـت حزيـران=معاد فيـه يابيـض الوجـه عيضـه
هـذاه شـي يخلـي الرجـل حيـران=معاد يعرف ويـش سـوده وبيضـه
كنه طريحاً طـاح فـي بئـر ثعبـان=بينه وبيـن الجـال يلمـظ الميضـه
واللي بعدها هجـرس البـال طربـان=وهاجسـي ماكـل شيـآ يهيـضـه
الا ليـا خويـت ذربـيـن الايـمـان=يـوم الوسـم بكـر وشفنـا نفيضـه
حان الربيع وحـان مطلاعنـا حـان=فرصـة عمرقـدام صيفـه وقيضـه
وليا تعبنـا لاجـل حلـوات الالبـان=ماهو تعـب اللـي علينـا غميضـه
اللبل لها في داخـل القلـب مسكـان=عويضتنـا ياكبرهـا مـن عويضـه
سفينت الصحراء لهـا عندنـا شـان=وفر لهـا الطعـام والمـاء بحيضـه
والناقه اللـي لونهـا لـون عـروان=ماساقهـا الجـلاب يـم الرويـضـه
مابيعهـا لـوكـان زادو بالاثـمـان=مامثلهـا عنـدي بنجـد العريـضـه
وليـا طلعنـا عنـدهـا ياكحـيـلان=يرتاح بالـك مادخـل فيـه غيضـه
في روضتن خضراء بها النبت رويان=ريح النفل يفـوح فـي كـل فيضـه
يوم المطر جها مشى القـاع مليـان=على يمنك سيـل تسمـع خضيضـه
على سنـا نـارآ بهـا دلال رسـلان=مبهاراتـن جنـب جمـره غليـضـه
ومعلقاً هرفي وبـري مـن الضـان=لحمـه نقطعهـا ولحمـه نجيـضـه
والجو صافي يـوم مالـن الاغصـان=هذا الكـلام اللـي يطمـن حميضـه
وسوالفـاً حلـوه وترتـيـل قــران=ماهي علوم اهـل العلـوم البغيضـه
وصـلاة ربـي عـد وبـال الامـزان=علـى نبيـاً وضـح لنـا الفريضـه

التوقيع

ديــــــــــــــــواني

[ابو فهد المقاطي]

صح لسانك على القصيده الجميله

[مرزوق حمدان العتيبي]

..
.
.
وسوالفـاً حلـوه وترتيـل قــران
ماهي علوم اهـل العلـوم البغيضـه
..
صح لسانك ياسعد رائع كماعهدتك
...
اخوكـ.....
.

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[السميــــــري]

سعد المقاطي ..
اسم لامع في الابدااع ..
صح لسانك ..


تحياتي ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[سعد بن مطلق المقاطي]

ابوفهد المقاطي
صح بدنك ياعزيزي على المشاعر الطيبه
لك
جزيل الشكر

[سعد بن مطلق المقاطي]

مرزوق العتيبي
ابومحمد
صح بدنك ياعزيزي
والله يحفظك من كل مكروه
شكرك على المشاعر الطيبه
ولك كل تقديري تحيتي

[خلف بن مرزوق]

...
..

الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين

صح لسانك ياسعد

و

بيض الله وجهك يالجزل


مبدع كما عهدناك لاعدمناك

مودتي
.

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[محمدالحميدي]

اللهم صل على محمد وعلى آله وصحبه أجمعين
صح لسانك ياسعد قصيده طيبه من طيب راعيها

[سعد بن مطلق المقاطي]

السميري صح بدنك
ياعزيزي نورت الصفحه الله يعطيك العافيه
تحيتي

[نواف العصيمي]

صح السانك .. جزاله غير مستغربه من شاعر مبدع متجدد

لك التقديروالإحترام

التوقيع