مرثيه في اخي فراس بن حسين

[سعود بن مويسان]

قصيدة رثاء في اخي الغالي فراس ابن العميد / حسين بن موسى بن وجب واللذي توفي بحادث سير في محافظة الطائف . الموقف لايمكن تصويره بقصيده بأي حال من الاحوال . رحمه الله رحمة واسعه واسكنه فسيح جناته
لاأريد منك اخي القارئ الا الدعاء له

علم لفاني جاب حالي على اقصاه = علم لفاني هز كوني ومافيه
يافراس دمع العين طاح ونثر ماه = وبغيبتك هالكون ضاقت مساعيه
قلبي انصدم يافراس من قو ماجاه = والحال عجزن يرفعنه اياديه
مرحوم ياللي مالك امثال واشباه = الا بحر نادر في مواريه
واللي فقد له حر وشلون ينساه = حر ليا هده مع الجول يشفيه
دونه يطيح الشعر ماهو بوياه = وتخجل بيوت الشعر قدام ترثيه
ما لاع شالح غير ذيبه وفرقاه = بكاه حي قدم يرحل ويبكيه
اهتز ضلع بنجد واختل مرساه = وبغيبتك يافراس بانت خوافيه
يافراس لو الموت يقدر قدرناه = ولاجت لابوك جموع ناس تعزيه
لكن هذا الموت محد(ن) بيقواه = واللي بقى بعدك فلاهو مخليه
حتى النبي المصطفى ماتعداه = وماكتبله ماكان والله ليخطيه
وماكان من ربي لزوم بنرضاه = ودرب مشيته كل نفس بتمشيه
رباه انا عبدك وطالبك رباه = ياللي بأمرك كل شي تسويه
يالله تعوضه في شبابه وتجزاه = ودرب يودي النار يارب تحميه
يالله طلبتك عدن داره ومثواه = ومن نهرها يارب طالبك تسقيه

الشاعر / سعود بن مويسان بن وجب

الدوادمي

[نياف العتيبي]

الله يرحمه ويتجاوز عنه وعن اموات المسلمين


ومعوضين خير بإذن الله ..


وصح لسااااانك


ولاهنتتتتتت



النااااايف

[مرزوق حمدان العتيبي]

.
.
اللهم اغقر لفراس واسكنه فسيح جناتك
..
وصح لسانك ياسعود
...
اخوك

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[عمرالروقي]

الله يرحمه ويتجاوز عنه
وعن اموات المسلمين
ومعوضين خير بإذن الله .

وصح لسااااانك

[السميــــــري]

الله يرحمه ويسكنه جناااات النعيم ..

..
وصح لسانك ياسعوود ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[خلف بن مرزوق]

..

الله يرحمة ويسكنه فسيح جناته

وصح لسانك يامويسان

ابيات معبّرة

مودتي
.

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[سعود بن مويسان]

شاكر مرورك اخوي نياف والله يجزاك خير وان شاء الله ماتشوف مكروه

[فيصل المسعودي]

الله يرحمه ويسكنه الجنه


ويطهره من ذنوبه كما يطهر الثوب الابيض من الدنس


صح لسانك سعود


تحيات وتقدير


أخوك


فيصل النفيعي

[خالد اوصاهب]

الله يرحمه ويسكن جنة الفردوس

صح لسانك ياسعود

[صقر بن نايف]

رحمه الله رحمة واسعه واسكنه فسيح جناته



بيض الله وجهك على هذه الجزله