فرقا القروم اقوي عليه من الموت

[تالي الليل]

أعلان
يــأهل جبل شمرخ ليا خلص الصيف * ينزل وطنكم شيخ منقول من نجد
راعي طولية مثل نو مراديـــــــــف * وليــا نتهـــي مناك منه تجدد
سووله القهوة وصبولة الكيـــــــــف * وفي ضيفة ياناس لا ينتهي الحد
بين النشاما شامخ الراس ومنيــــف * حاتم زمانه شعلة الليل الاسود
أليا عطي يعطي مثل واسم الريف * كنه على درب الصداقة مجنــــد
وليا سمع من طرقة جاية الضيــــــــف * يرخص له الغالي ويضحك له الخد
ما يعرف اللقفه ودرب الملاقيــــف * حكيم يفهمها قبل ولا تـــــورد
أخوته زادت على القلب تشريـــــــــف * ومن ساقط الدنيا خويي مجـــــرد
والنفس من فرقاه ترقا المشاريـــف * وغاب الحسام وغاب حد المهند
سفينة صارت بليا مجاديـــــــــــف * والجزر ياخذها وترجع مع المد
والدمع حر العين لكن ماشيـــــف * ولا بد ينزل عقب فرقاه لا بد
وأنا أشهد أن القلب ماجاب تأليــــــف * واللي عرف نايف من الناس يشهد
ياحيف يابعض الرياجيل ياحيـــف * صداقته تأخذ ليالي وتنهـــــد
على لسانه جاهزات التصاريـــف * يقول قول يروح قدام يقعــــد
وداعت الله ياجبال حجاريـــــــف * كنا عليها فالظلام إنتسنـــــد
والخاتمه صلوا على حامل السيف * عداد طير فالوسيعة يغــــــــرد


فارس الثبيتي

[السميــــــري]

..

صح لسانك
ياتالي الليل .. لاهنت على هذه القصيدة ..

..
ملاحظة :
عليك بتشديد بعض الحروف .. ووضع الحركات .

تقبل تحياتي ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[أبو نجر النفيعي]

..
صح السانك .. يا تالي الليل

.
قصيده رائعه .. وننتظر جديدك...

.
زكما قال الاخ العزيز السميري


..
اخوووووك

التوقيع

.....

[يوسف عبيد]

صح لسانك يا تالي الليل

[فهد النفيعي]

لاهنت ياتالي الليل قصيده رائعه

[مرزوق حمدان العتيبي]

..
.
نص رائع ياتالي الليل
صح لسانك مدد بلاعدد
..

.
مودتي
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[تالي الليل]

صحت ابدانكم ولا عليكم زود ياهل الجود