مطيري يذم الطايف والعتيبي يرد

[سهم العضيان]

هذي قصيدة المطيري اللي يذم الطايف::::::::::::

يـامــل قـلـبـاً حـزيــن وجـرلــه ونــــه=غطى صداها المصيف وهزت ركونه
من هاجساً في ضميري ترتجف منـه=كـل المعاليـق مـن خلفـه ومـن دونـه
اسهـل هواجيـس قلبـي يــوم يكـونـه=ازود مـن اللـي بحـام النـار يكـوونـه
لــوكــان ســــود الـيـالــي مايـكـيـدنـه=ولا يكيـده مـفـارق شــوف مضنـونـه
فـي هالبلـد يالمطيـري خاطـري كـنـه=خاطـر سجينـاً دخـل غرقـان بديـونـه
قالولـي الطايـف احلـى قلـت ماضـنـه=ماهـو صحيـح الكـلام اللـي تقولونـه
قالـو مصيـف البـلاد وقـلـت لــو انــه=يالله عسى مـاوراه يحـول مـن دونـه
الآدمــي لــه عـيـون وعـقــل يكـفـنـه=فــي ديـــرة شـهــار بالله لاتلـومـونـه
اكـبـر دلـيـل ان بلـدهـم زايـــداً جـنــه=شهـار واعـداد مابـه نــاس مجنـونـه
ماهـو عيونـي وبـس الـلـي يشوفـنـه=يـشـوفـه الله وخـلــق الله يشـوفـونـه
لقيـت نـاسـاً تخـالـف مـذهـب السـنـه=حـتــى الـســلام وعلـيـكـم مـايـردونـه

وهذا رد مطلق النفيعي من سكان الطائف::::::::::::::::::::

ياراكب اللـي جـداد مـن بلدهنـه=بعون ربي من الخـلات مضمونـه
اربع دداسن من المعرض شروهنّه=.والكل فيهن يصفـر كـل طبلونـه
يـدورن المطـاري ليـن يلقـنّـه=مواجهه مايجوز العذر مـن دونـه
الزاحـف اللـي عظامـه مايقلنـه=الناس راحت وهو يزحف على هونه
عند المواجه يجي في هرجـة لنّـه=ينسى العلوم الكبار ويختلف لونـه
يعطونـه العلـم واذانيـه يوحنّـه=علـم مسـدد يقولونـه ويفـونـه
يوم زاحف يذم النـاس وش ظنّـه=من طق باب العرب بابـه يطقونـه
ليا تعـدى حـدوده واغوتـه جنّـه=تغويه نفسه ويلقـى مـن يربونـه
قومً تتـل الصعـب بالحبـل وتنـه=ان كـان ماطاعهـم ولا يخنقونـه
.وان كان قفى يبي المنحاش سننـه=واخر مصيره على وجهـه يدقونـه
يرغي وعقب الهدير يردهـا حنّـه=يمشي على كيفهم من حيث يصغونه
هذا مصيف الوطن ياهن ابو زنّـه=مثلك وشرواك غيبـوا لا تطبونـه
هذا مصيـف الخليـج ولله المنـه=هذا مصيف الخليج اللـي يحبونـه
اسكت ولا انت برب النـار والجنّـه=والامر لله وخلـق الله فـي كونـه

[أبو نجر النفيعي]

سهم العضيااان


لاهنت على النقل


وننتظر المزيد



تقديري

التوقيع

.....

[السّامي]

سـهـم الـعـضـيـان مـبـدع دائـمــاً


لاتـحـــرمــنــا مـن جـديــدك



الـنـفـيـعـــــي_الـنـيــــر

[سهم العضيان]

تشكر على المرور الطيب ي ا ابو نجر وتقبل التحيه

[سهم العضيان]

تسلملي يالنفيعي ما مر الا النفعا ونعم
وتقبل التحيه

[الشاعرالساهر]

قالو مصيف البلاد وقلت لو انه
يالله عسى ماوراه يحول من دونه


لاحول ولا قوة الا باللة
هذي دعوة مسلم على ديارة

لكن مانقول الا
بيض اللة وجه مطلق النفيعي

وصح لسانه

وصح لسانك اخوي عالنقل

[مرزوق حمدان العتيبي]

..
.

الله يهدي هالمطاري ظلم الرجال ولا حكم عقله ..
...

وبيض الله وجه النفيعي وعتابه دائما وهي توفي بالموقف الغصاب ..
...
لاهنت ياسهم العضيان

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ابوعبد الرحمن22]

سهم العضيان



بيض الله وجهك على النقل الرائع



وبيض الله وجه الشاعر مطلق النفيعي



على هالرد القوي اللذي جاء في محله






تحياتي

[سهم العضيان]

الشاعر الساهر تشكر على المرور الطيب
وتقبل التحيه

[سهم العضيان]

ولاانت يا مشرفنا واسمك في موضوعي شرف الله يسلمك على المرور
وتقبل التحيه