قصيده......

[ابوجراح]

	اليكم هذه القصيده , وهي طويله لكن هذا اللي احفظه منها يا شاكيا" من ضيم وقتن يجور بك === اصبر عسى الدنيا تبدل ابحالها صبرن جميلا" يحتسب لك و توجر === فالصبر بستان (ن) يظلك اظلالها وش عاد قولك لو تلاوعك لوعتي === و تونس على قلبك لهايب اثقالها تسج من هول الهواجيس فالخلا === تبى النجاه و قيدنك احبالها تلد النظر بالحي و الحي غافل === مااحدن درى بالنفس واللي جرى لها وتسكت وتضنك الهواجيس بالحشا === وفكرك حبيس(ن) للهموم و خيالها تسولف على عمرك وتشرح مصايبك === ونفسك مجال احزانها هو مجالها بالصدر ضيقه و القدم تايه الخطا === وبيبان قلبك محكمات( ن) اقفالها سهيت و اسهاني طواعين لوعتي === ليا نا مو السمار يبرق خيالها خيال(ن) نشى من رايح المزن بالدجا === وامطر همومن ما قويت احتمالها يقولون لي وشفيك خاطرك ضايق === ونفسك وراها دوم منحاس بالها علامك كثيرالصمت ماتكثر الحكي ==== وقطعت عن عمرك مع الكل وصالها قلت اسمعوا ما قلت بالشعر وافهموا === وأدروا بعين(ن) يبس الهم اثمالها اسكت من اللي يعقد لسان مهجتي === وبنات فكر الحكي جود اعقالها والشعر كله ما وصف نصف لوعتي === يبدي قليل (ن) من كثيرن ينالها شكيت ما واحد نفعني من الملا ==== ولا احدن رحم عين (ن) تهامى اهمالها لا من قريب ولا صديقن نوده ==== تصفق يميني من قهرها شمالها وهم لوجوني على فزعة الخطر ==== ارخص لهم روحي وحالي و مالها يا حيف واعيباه يا صاحب الرخا === = ما يحتمي له كلمت (ن) كان قالها ويزيد حر الكبد من سالف الزمن ==== رجال(ن) مضو دعى الفنى في زوالها منزالهم في حفرتن فوقها الثرى === واحيسفا ياللي كريم (ن) اسبالها ترحلوا و انحو هل البذل بالقسى === طويلين اليماني مزبن اللي لجى لها عاشوا و ماتو ما رضوا بالمهونه === هم شمعة الدنيا و خيرة ارجالها ورث منازلهم هطيش الوراثه === ضعوف الانفس خيبت من عنى لها انا اشهدن الضو يورث رماده === عقب الجمرمن جثل عرن(ن) جلالها وصلوا على محمد شفيع البريه === اعداد براق (ن) سرى في خيالها ابوجرااااح الروووقي ........................................

[مرزوق حمدان العتيبي]

..
.

.

ابداع غير مستغرب يابو جراح .
..
صح لسانك ملايين .
.....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[خلف بن مرزوق]

...
..

يا حيف واعيباه يـا صاحـب الرخـا
===ما يحتمي له كلمت (ن) كان قالها



قصيدة جزززلة وجماله ابلغ من اي وصف

صح لساااانك مليووووووون يبو جراح

ودمت رمزاً للابداع


مودتتتي

.

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[ابوجراح]

مشكووووووووووور يالربع وشكر"ا على تنسيق القصيده