((انهيار سوق الأسهم)) قصيده معبره!!!

[عتيبي النجدي]

اخواني أعضاء منتدى الهيلا أضع بين أيديكم قصيده قلتها بعد انهيار سوق الأسهم وهي قديمه شوي ولكن مازلنا نعيش تبعات هذا الانهيار ،
أتمنى أن تحوز على رضاكم.

والقصيده كما يلي:


ويل حالي يا عرب يا ويل حــــــالي******يوم جيت الســـوق ادور به تجــــــاره

قالوا ان السوق به ربح(ن) خيالي******الفك بمليون مـــا تبغــــى شطــــاره

قالــوا ان فــــلان زاد المال مـــالي******بعد هد البيت بان(ن) لـــه عمــــــاره

ثم جيت بكل ما امـلك من حلالـــي******خايف ان السوق يسبقني قطــــاره

شايل من الدين شيل(ن) باحتمالي******طاير(ن) عجلان من دون استشاره

معذر(ن) فالبيت معذر في عيــــالي******لو يطيح البيت ما اقـــووم جــــداره

ثم دخلت السوق يسبقــني خيــالي******مغتني والفقــــر مبعد عن ديـــاره

فالبدايه جات صفقات(ن) جزالــــــي******ثم رغبت السوق نمره واستمـــاره

المؤشــــر قــام يصعــــــد للعلالـــي******كل يوم يزيـــد يعجبنــــي خضــــاره

وكل(ن) التحليل قــد جاله مجــالي!******ما يطيح السوق في عز ازدهـــاره

بعد جا عشـــرين جا فيه الخمالــي******وش بلاه السوق يعكس عن مساره

ول طاح السوق ما فيها جـــدالــي******يا ادعياء التحليل منكـــم وادمــــاره

في البدايه قلت يا الله راس مالــي******يا الله العقلان لا عـــادت تجـــــــاره

جالس(ن) مهموم والشاشه قبالي******وارتداد السوق مليــــت انتظــــاره

المؤشـــر لـــو طلــــع يا همــــلالي******لا طلع عشرين ميتيـــن انحــــــداره

قام ينزل سوقنــا من غـــير والـــي******كل يوم يطيـــح وتزيـــد الخســــاره

من حلالي ليـــت يبقى لي توالــي******عن دروب الذل يضفينـــي ستـــاره

واحمد الله ما فقدت انســـان غالي******دامها فـــي المــــال لعــــله وداره


وتقبلوا تحياتي

أخوووووكم

عبدالله العطاوي

[علي الثبيتي]

صح لسانك يالعطاوي

التوقيع

ماني بلا روقي ولا برقاوي = انا ثبيتي جد روق وبرقا

[عتيبي النجدي]

صح بدنك ... وحياك الله

يالنشمي

أسعدني مرورك

تحياتي لك

[عتيبي بقعاء]

صح لسانك يالعطاوي عز الله خوش ابيات

[سهم العضيان]

صح السانك يالعطاوي
والله يعين على الأسهم

[الفراهيدي]

صح لسانك وسلم بنانك


على القصيدة المعبره


لاهنت يالغالي

التوقيع

AL-frahedi@hotmail.com

[ابو رايـد]

واحمد الله ما فقدت انســـان غالي******دامها فـــي المــــال لعــــله وداره


صدقت وصح لسانك وعلي شانك
قصيده معبره جدا

[الوليد العتيبي]

واحمد الله ما فقدت انســـان غالي******دامها فـــي المــــال لعــــله وداره


صح لسانك ياغالي وبيض الله وجهك

[ابـن نـعـيـس]

صح لسانك وسلم بنانك



لاهنت


تحياااااااااااااااااااااااااتي

التوقيع

[الأمــير]

عتيبي النجدي لاهنت اخوي


وليش ماتتطلع على مواضبعب