صباح الخير ياشعار مني مثل ريح العود

[عايض الدوسري]

صباح الخير ياشعار مني مثل ريح العود=بصبحكم صباحن ياعتيبه حلو تصبيحه
نبي شاعر يقود الن المعاني ياعتيبه قود=واذ منه غدى فالدرب رحت اطلب في تسريحه

[دكتور قاف]

صباح الورد والازهار صباح اللولو المنضود=صباح يفوح اطيابه نرجس وورد مع شيحه
نسوق الرد للغالين على الله ياصل المقصود=واليا منا نقصنا الرد طلبنا مثلك يبيحه

[عايض الدوسري]

هلا بالي يصبح بالرجال ويبذل المجهود=على سلم الرجال الطيبه بين مفتايحه
بيوتك ياطويل العمر فيها نقص مدري زود=مدامك تفهم الموضوع من نظره وتلميحه

[دكتور قاف]

نسوق البيت للعقّال ولا سقناه للمقرود=كلام الرجل منطوقه يحالي بعض توضيحه
ومنهو ماعرف قدره نزود والعنا موجود=اليامن عود المقدر نفس ٍ دايم شحيحه

[الغبيـــوي]

صح لسانك يادكتور قاف صح لسانك ياعايض

واصلوا وحنا معكم وعطونا الجديد

تحياتي...