مرثية الشاعر مسيفر الجعيد في أخيه

[شقصان]

صباح السبت جتني رنة بالهاتف الجــــــــــــــــوال = ثلاثه من ربيع أول سنة سبعه وعشرينــــــــــــــــــــــي
وقال المتصل مصلح يقول ابيك يا رجّـــــــــــــــــال= قبل ما اغادر الحادث لزوم انك تواتينـــــــــــــــــــــــــي
وحاولت افهم الموضوع حتى لو جواب ســــــــؤال= لكنه قفل الجوال ما يقدر يحاكينـــــــــــــــــــــــــــــــــي
تركت الشغل واللي في يديني ماشيا في الحال= ولا حتى عرفتك يا لطريق اللي تودينــــــــــــــــــــــــي
وفجأه ما دريت إلا وانا في زحمة و(ا)رجـــــــــــال= وعرفت ان (أ) به ميت حيث كل الناس جايينـــــــــــــي
صرخت بصوت عالي يوم قالوا كلنا رحــــــــــــــــال= ونزلت وموتري يمشي عشان اشوفه (ا) بعينـــــــــي
أحد منهم لحق سيارتي خايف تزيد الحـــــــــــــال= واحد منهم مسكني والهدف انه يهدينـــــــــــــــــــــــي
بعد ما شفته (ا)مغطى على الخدين دمعي سـال= وقلت ابغاك ياابن حميّد الديره تودينـــــــــــــــــــــــــــي
فقدت الذاكرة نسيت كل الناس عقلي مـــــــــــال= وحاولت استعيد الذاكره واضبط موازينــــــــــــــــــــــي
ذكرت العود واخواني وتذكرت ان فيه عيـــــــــــال= وذكرت ان (ا)له ربع بالخبر لابد توحينــــــــــــــــــــــــي
وحاولت اقبل الموضوع واحكم دمعي الهمـــــــال= ولو ان الدموع (ا) تفيـــــــــــد لابكي باقي (ا) سنيني
وصلت ابوي في بيته وانا والله حزين البــــــــــــال= وبعد ما شفت ابوي الدم وقف في شرايينــــــــــــــــي
وخرجت ولا قدرت اكلمه خايف من الأحـــــــــــوال= ولقيت الربع عند الباب في مصلح تعزينـــــــــــــــــــــي
وكلمنا القرايب (ف) الجنوب أو ساكنين (ا)شمـال= وكلمنا عياله كلنا بالحكم راضينـــــــــــــــــــــــــــــــــــي
وقررنا بمستشفى الملك ودوه للغســــــــــــــــال= وصلينا عليه العصر مع جمع المصلينــــــــــــــــــــــــــي
وتوجهنا به الديره هناك القبر والمنــــــــــــــــــزال= ولقينا كل اهل شقصان واللي له (ا) محبينــــــــــــــي
الا يالله يالمعبــــــــــــــــــــــود ياذا المن والاجلال= عسى مصلح من اللي ساكنِ جنات علينــــــــــــــــــي
رحل عنا سخي اليد ماله عنــــــدنا امثــــــــــــــال= رحل شيخ القبيله بس وين اللي يعزينــــــــــــــــــــــي
رحل راعي الوفاء والطيـــــــــب راعي حلـةِ ودلال= بعد ما لمّ ربعه يوم (ا) هم للطيب ناوينــــــــــــــــــــــي
ترى يا ربعنا من بعد مصلح للحمول (ا) جمــــــــال= مادام انه رحل حنا على ممشاه ماشينـــــــــــــــــــــي
ويا ربعي نبي نمشي على العادات يا عـــــــــذّال= ولو شفنا احْدْ مخطي كلنا جيناه عانينــــــــــــــــــــــــي
نبي كل العرب تأخذ من الخامس حكم وامثــــــال= ونرد الكيد للحاسد ويا قهر المعادينـــــــــــــــــــــــــــي
وصلاة الله على خير البرية صادق الأقــــــــــــــوال= محمد خير الأمة نمشي بنهجه (ا) مطيعينــــــــــــــــي

مرثية الشاعر/ مسيفر صويلح معيش الجعيد بعد وفاة اخيه الشيخ / مصلح صويح معيش الجعيد شيخ خامس المظافرة من قبيلة الجعده من عتيبه ( رحمة الله واسكنه فسيح جناته ) .

[الــوآفــي]

صح لسان مسيفر والله يرحم مصلح


يستحق قصائد



تم تنسيق القصيده


كل التحيه اخوي شقصان

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[صقر الجنوب]

صح لسانك والله يعطيك العافيه

ياخالي مسيفر والله يرحمه ويغفر له

[ابو رامي]

مرثية رائعة بمعنى الكلمة وقصيدة جزلة

رحم الله الشيخ مصلح الجعيد وصح لسان الشاعر.

مشكور ياشقصان على هذه القصيدة الجميلة.

[أبو مرحبا]

الله يرحمه ويتغمد روحه الجنه

لاهنت على المرثيه

وصح السان الشاعر

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[ابـن نـعـيـس]

الله يرحمه


لاهنت


تحيااااااااااااااااااااااااااااتي

التوقيع

[سحاب الصبيحي]

رحمــــــــــة الله رحمة واسعـــــــة


قصيدة رائعــــــــة


يا أخي : شقصان


تحياااااااااااااتي

[ابو سديم]

رحمة الله علية رحمة واسعه
وعوض الله اهلة وذوية واللهمهم الصبر والسلوان.
توصيف بليغ للحدث وقصيدة مؤثرة .
ولا هنت اخوي شقصان.
ابو سديم

[أبو مصلح]

صح لسانك وسلم بنانك يا أبو فواز ورحم الله الشيخ / مصلح الجعيد وأسكنه فسيح جناته

[العارف]

صح لسانك يابو فواز
ورحم الله الشيخ مصلح الجعيد



حنا عزانا فيه

بيت الوفاء فيه

والموت درب لكل يمشيه


مع تحيات العارف