يا "سند العتيبي" !!

[صامل العصيمي]

يا سند .. قوم سندها عساها تقوم
انت لك كم سنه ميت وذ اليوم حيّ

العصيمي سنين وهو يرد الخصوم
وانت نومتك طالت تحت ظلٍّ و فيّ

[سند العتيبي]

هههههههه

جات سوا

[سند العتيبي]

تبغى الرد هنا والا بترد هناك

[صامل العصيمي]

هههههههههه
اللي ودك

[سند العتيبي]

ابشر اب قومةٍ تشفي صدور القروم
مار لا تبرك ان كبرت وصارت شظي

مانذم العصيمي مير ما رد قوم
ايتهبد محله ف الضحى والعشي

[صامل العصيمي]

بعدما ربي أحياك اعتلي فالرجوم
واعرف ان الشجر ما يثمر بدون ريّ

يوم حنا غزينا القوم غاشيك نوم
تحسبون الدروب مهود ماصار شي

[سند العتيبي]

يبترم في محله لا يبيع او يسوم
وان نشدته عن الطرقه يقول لك اي؟

الفعول العظيمه بينه بالرسوم
مار بعض البشر مطغيه جهلٍ وغي

[صامل العصيمي]

قسمنا يا عميلي من كبار القسوم
وانت شفناك تاكل لحمة الصقر نِي

يالعتيبي عيونك ما تشوف النجوم
يوم جاء للنجوم بتالي الليل ضيّ

[سند العتيبي]

نعم فيكم ولكن لا تزيد الحلوم
وانت اشوفك شويته شي من عقب شي

نسمع رعودها بين محلف والبقوم
مار ما سيلت وادي ولا اروت ودي

[صامل العصيمي]

والله إنّا نغلق .. في كبار اللزوم
وانت في ضفّنا تبقى رفيقٍ وخّي

قدمك البحر يارجلٍ ما يعرف يعوم
خل عنك السيول اللي مطرها شوي