اكتب خطئية صاحبك فوق الوطا//وانقش جميلة صاحبك فوق الصفاه!!

[عيضه الثبيتي]

مساءكم شعر ومحبه وخير

ياصاحبي ترى الحياه أخذ وعطا=وظروفها تمشي على كل إتجاه
والأدمي فالصح وألاّ فالخطا=الصّح صحّه والخطاء يبقى خطأه
ومن لا مشى الدرب الصحيح اليا خطا=الهم قدمه والملامه من وراه
واللّي مايدري وين بأقدامه وطا=اليا انكسر ساقه لاحد يبكي علاه
ووجه الحقيقه لو يغطّى بالغطا=لابدّ ماتكشف لك الدنيا غطاه
ولو راحت الدنيا مراويح القطا=مكسبك منها الطيب يامال الغناه
واحسب حساب الوقت لامنّه سطا=والصاحب الطيّب مثل طوق النجاه
اكتب خطئية صاحبك فوق الوطا=وانقش جميلة صاحبك فوق الصفاه
خطئيته تمحى ولو طال البطا=وجميلته تبقى على طول الحياه

:

:



وسلامة روسكم





عيضه الثبيتي

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[مخلد منصورالثبيتي]

ابوفيصل صح لسانك قصيده رائعه تضاف الى سابقاتها من الدرر
وليس بغريب على شاعر مثل عيظه الثبيتي الجزاله والابداع
تقديري

[الوافي 1]

صح لسانك يابن دبيان
قصيدة جزله

[فهد سعد الحشيبري]

يسلم راسك
وصح الله لسانك
وكلام مثمن وعلوم رجال
وحكم تنشرى بالدراهم غالية وشامخة
بيض الله وجهك واسجل اعجابي وبارك الله اوقاتك

[شفاي ابن بشيّر]

وانت سالم
وصح لسانك ياعيضه الثبيتي

قصيده جزله وحكم ثمينه

[عيضه الثبيتي]

ارحب يابو فهد لا هنت