عزام ( ساس المراجل ) ..يوتيوب ...!!

[سعد المسـعودي]

...



إهداء لقلوبكم الطاهره ولإبني الأصغر .. عزام

الله يخليه ويخلي لكم غواليكم ..

.









..





..





..























..





..

عزام قبل صدوف الأيام يبدن =وأقفي عن الدنيا وأشد الرحايل
ومنيتي في سدّهن يوم يردن = سنّه خذت قبلي شعوب وفصايل
أخذن رسل قبلي وأنا كيف ينسن= والموت سنه مالها من بدايل
لاقضى المكتوب بالعمر يقفن = ولاأحد مخلد في حياته وزايل
أما أنت ولاابوك فالقلب يجفن= ودليلهن فالعين والضول ضايل
عينٍٍٍٍ غفت وعيون بالدمع يبكن = وفالجوف منها تاتذوق الغلايل
عزام أنا بوصيك ياصغيّر السن = وصية ٍ ترقابها كل طايل
الدين صونه والفرايض لها صن = وبلسان قولك ياوفي الخصايل
وفي والدينك خير ثنتين يكفن=الطاعه العظمى رضاهم فضايل
وأحذر من أقدامك على الشوك ياطن = درب الخطا فالدرب يمشيه مايل
أسلك مسالك درب الأقدام وأفطن = منهاج ساسك خير كل الدلايل
وقدر الكرم للضيف حيل ٍ يحطن = والطيبه مكسب زبون الفعايل
وفنجال كيف مخضبٍ بأشقر البن = يبري صدورٍ من شقاها علايل
والطيب يجزى طيب والصاع بالمن = وتفوز به مع يابسين البلايل
وأحذر يمينك لاعطت لايجي من = ولاترتجي فالصنع رد الجمايل
وأحذر من الغرات والشك والضن = والستر يرفى عنك كشف الخمايل
وأحذر من دروب المناقيد وأذهن = وأعرض عن الهراج لاجاك عايل
وأحشم وقارك فاللحاء لك يحشمن = وأترك ردياً مكسبه للفشايل
وأحذر من اللي فالوجه ضحكته سن = طعنه قفاء لأقفيت خبث العمايل
وأحذر وكالة من يسند على هن = نقال عن ماقيل في قول قايل
وأبعد بشوحك فالنظر لين يزمن = رووسٍ تعلت وأعتلت كل طايل
ويالله عسى سهموم المنايا يعدّن = بأمر الولي دعواي ياخير سايل

..






أحترامي

أخوكم : الحرالأشقر

التوقيع

آخر تعديل سعد المسـعودي يوم 06-Oct-2011 في 03:07 AM.

[قـنـاص الـقـوافي]

ياسلام ياسلام

صح لسانك يالحر الاشقر ولاهنت

اسال الله العظيم ان يصلح لك ابنك ويجعله قرة عين لك
ويصلح ابناء المسلمين كافه
تحيتي

[محمد الذيابـــي]

,’


صح لسان الحر الاشقر


والله يصلحه إنشاء الله ويقر به عين والديه


ابداع جديد


,’

التوقيع

التوقيع محمد الذيابـــي

[متعب الند]

صح السانك الحر الاشقر ..وعسى الله يخليلك ابنك ...ويصلحه



تقبل مر وري

[مرزوق حمدان العتيبي]

..

.
ان قلت سعد فهو للابداع عنوان
ملايين الملايين صح لسانك
..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[فهد العازمي العتيبي]

..

صح لسانك يا الحر الأشقر

والله يخليه لك ويكون له شأن كبير في المستقبل ،،،

التوقيع

للتواصل على تويتر https://twitter.com/falotaibi5115 ،،

[سيف نت]

صح لسااااااااااااااااااااانك