الفارس القناص (مساجله بين قناص القوافي والحرالأشقر )

[سعد المسـعودي]

مع التحية والتقدير للزملاء .. نجوم وأعضــاء الموقع ....
أتشرف بالطرح أمام أبصاركم ..
ماتشرفت بإستقباله من الشاعر : فارس طلق الصوينع .. المعروف تحت معرف : قناص القوافي ..
كصوت المساجله .... والذي بدوري لم أجد سوى إستجابة الصوت بصدى مهما كان أقل من المتواضع ..
مقارنة برائعته ,.,, مع كل الأماني .. إن يعود الزميل : أبوطلق لأرض الوطن .. عالي الهامه ..
وهو يحمل الشهادات العليــــا .. ...



..................................


الصوت :


..
.

يوم الصوينع هاضته ضيقة الجاش=نوا مع المسعودي اليوم نيه
وارسله إبكار ٍ على عده عطاش=جمه قراح ويعجب الذود ريه
ونا جريح وطالبك لفة الشاش=وإلا ان حصل عطني من الطب كيه
اقولها والحال ياصاحبي ماش=في ديرة عن دار ابوي اجنبيه
لاتحسب ان الجو ينعشني انعاش=لاهبت انسام الهبوب العذيه
امسي بنواش ٍ من الشوق لي ناش=واصبح على صكات وقت ٍ قويه
ومخلاب وقتي للمغاليق نهاش=إله على جرح الرجل مقدريه
وحنا ترى نصبر على شان نعتاش=ونحايل الدنيا بروحه وجيه
ومن لايغيث النفس بالنفس, ماعاش=وناسٍ تعيش بذل, ماهيب حيه

..
.

الشاعر : فارس طلق الصوينع
( قناص القوافي )






()()()
()()
()
()
()()
()()()


الصدى :

..
.

يامرحبا وأعداد مارشرش رشاش = يروي ظماء أرض ٍ من دهرها سنيه
يشوش رأس العز .. للعز شواش = باللي له التقدير وأثن التحيه
مابين حكم العقل وأغواية الطاش = يستاهل الجزله زبون الونيه
الفارس اللي كف يمناه حواش = للطيب والامجاد والنار حيه
واله مع اهل لخيل مسري ومغباش = بحدب ٍ توثقها الكفوف الجريه
رأس ٍ سعاطيره على العز ماأناش = موثوق ساسه ورثوه الوصيه
للفارس القناص فعل ٍ على الكاش = على النعم يتعب ماخذاها عطيه
راع الوفاء والطيب من سـاس الأشواش= العـزوه اللي تحتمـي كـل هـيـه
من لابة ٍ عـن فعلهـا يقصـر اللاش= ويشهد لها التاريخ فالجاهليه
عين السعد يفـرح بها كـل منداش=وينعم تحـت ظـل البيـوت العليـه
يابوطلق لاشاش رأس الفخر شاش = لانك كفو يابو اليمين النديه
أما حياة العز ولاّ ترى بلاش = وجنسك قليل ٍ بين كل البريه
ماكنت أظن العقل للفكر غشاش= لوماقصربه عن مقاصد نويه
دام الحقايق حايل ٍ دونها أغطاش = فدوى النشامى يالوجيه الرديه
برهان قولـي حـق ماقلته فلاش = حر ٍ يشوم أرض المكان الدنيه
ماينهظـم حـق الرياجيل ببطاش=وأفعالهـم تاريـخ مـاهـي خفـيـه
وأختم كلامي عد ماترمش أرماش =وصلوا علـى محمـد رسولـه نبيـه

..

.


أخوكم : سعد المسعودي
( الحرالأشقر )

التوقيع

آخر تعديل سعد المسـعودي يوم 01-Oct-2011 في 05:22 AM.

[فهيد الايدا المورقي]

سعد المسعودي صح لسانك وصح لسان فارس طلق الصوينع
( قناص القوافي )


والله يرده بالسلامه ومعه الشهاده


تحيتي

التوقيع

حسابي في تويتر faheed_1234

[علي الدعجاني]

اللهم صلي وسلم على رسولك


صح الله السنتكم

والله يرد ابن العم سالم غانم ومعه الشهادات العليا

[قـنـاص الـقـوافي]

صح لسانك ياخوي سعد المسعودي
والحقيقه صدى رائع ومبهر ويفوق الصوت
لاهنت يالغالي على الطرح الجميل
وان شاء الله ماتكون الاخيره
وصحة ابدان الاخوان والله يسلمهم ويقويهم
احترامي وتقديري

[سعد بن مطلق المقاطي]

صح لساااااانك ولساااانه

التوقيع

ديــــــــــــــــواني

[سعد المسـعودي]

المشاركة الأصلية كتبت بواسطة بناخي الايداء

سعد المسعودي صح لسانك وصح لسان فارس طلق الصوينع
( قناص القوافي )


والله يرده بالسلامه ومعه الشهاده


تحيتي

بناخي الإيدا

أرحب وألف حياااك

وصح بدنك بالأصالـة والنيابه ..

أحترامي

[عبدالله الـعتيبي]

سعد صح الله لسانك ولسان اخوي قناص القوافي

وبيض الله وجيهكم

عقبآآلي :d هع

بالتوفيق

[فهد العازمي العتيبي]

...

صحت السنتكم والله

ولاهنتم جميعاً ،،،

التوقيع

للتواصل على تويتر https://twitter.com/falotaibi5115 ،،

[قـنـاص الـقـوافي]

عبدالله العتيبي صح بدنك ولاهنت
اشكرك على المرور ؤ وجهك ابيض
تحيتي لك

[قـنـاص الـقـوافي]

اخوي فهد العازمي
صح بدنك ولاهنت
وجهك ابيض بالنيابه عني و عن الشاعر سعد المسعودي
تحيتي لك