هات الربابه واحكر الشاي يالثور (( لشاعر بندر سرور ))

[سلمان المرشدي]

السلام عليكم ورحمة الله وبركاته

اليكم هذه القصيده لمتنبي عتيبه الشاعر الكبير بندر بن سرور القسامي العطاوي الروقي ( رحمه الله)

هات الربابه واحكر الشاي يالثور = انته حشرك ابليس وانا هواوي
مقيالنا في سدرة ن طورها طـــــور = يسوى حياة اللاش كلب القهاوي
تبغى البلاد اللي يقولون بالـزور = مركز رفض فيها ثمانـين واوي
غير البحروالخور نامس وصرصـــور = وكلاب حوف اجلودها والضـراوي
والجيـب شاحنه لك كيـك ن وشـابـور = والماء معبيه لك مير انت شاوي
من زين سوقـك عـاد عـدك بطـابور = كنك حبيليص البعير الـعطـاوي
تهـز راسـك كـنك الـقهـوجي نـور = اللي علـى بيبـان بيته يعاوي
ساع استوى المقيال يامقيل القور = في ضيق ذاك الزرب ويش انت غاوي
طار النسيم ابغترتي والهـوى دور = يسرح شمال و جاء من الغرب ضاوي
خله يقف من عقب ماجاه من جـور = يامطرد الضبان وانته عمــاوي
عرفت عشقـك حين عشـقت للحــور = دريـت بـك في شويـهنه شـفـاوي
ولا ودي اكره خاطرك وانت دافور = بسـيطة دعـواه بــارد حـمـاوي
عباه صيخ ن منجـضع واشتغل فـور = واطـفاه صـيخ ن مرتكز فالـرزاوي
والله وانا بـنـدر لوديك تيمـور = خـله يحـطـك فالجزيره تـصـاوي
مير انت يافهيدان بك حلو ومرور = لـولا ذلـول فـيك ولا حســــاوي

وسلامتكم

آخر تعديل سلمان المرشدي يوم 25-Jul-2011 في 12:58 PM.

[الهباع الرووقي]

ابوعدي سلمت يمناك ولاعدمناك تقبل مروري

[سلمان المرشدي]

المشاركة الأصلية كتبت بواسطة الهباع الرووقي

ابوعدي سلمت يمناك ولاعدمناك تقبل مروري

الله يسلمك يالغالي ومرورك يشرفني ياطويل العمر

[فهد الشبير]

«®°·.¸.•°°·.¸¸.•°°·.¸.•°®»ابوعدي المرشدي«®°·.¸.•°°·.¸¸.•°°·.¸.•°®»
يعطيك العافيه ولاهنت ياكحيلان
تحياتي لسموكـ,,,

[متعب الند]

بيض الله وحهك..... هذى والله القاف



صدق الي قال يصنع بكر

آخر تعديل متعب الند يوم 25-Jul-2011 في 05:16 PM.

[سلمان المرشدي]

المشاركة الأصلية كتبت بواسطة فهد الشبير

«®°·.¸.•°°·.¸¸.•°°·.¸.•°®»ابوعدي المرشدي«®°·.¸.•°°·.¸¸.•°°·.¸.•°®»
يعطيك العافيه ولاهنت ياكحيلان
تحياتي لسموكـ,,,

أخي الغالي فهد الله يسلمك يالذيب شرفتني بمرورك الله يطول عمرك

[سلمان المرشدي]

المشاركة الأصلية كتبت بواسطة متعب الند

بيض الله وحهك..... هذى والله القاف



صدق الي قال يصنع بكر

تسلم يامتعب و وجهك ابيض يالغالي

[أبن حشيان]

ابو عدي المرشدي


الله لايهينك اختيار موفق


انت مهندس قصيد وختيارك


دايم جزل وانت جــــــــــــــــزل

[سلمان المرشدي]

صح بدنك يابن حشيان والله لايهينك يالمرشدي

[مرزوق الصواط]

ابو عدي لاهنت


بس القصيده متاكد لـ بندر ؟