هاذي فعول اجدادنا بالاهاوي

[الرااقي]

يافاطري خلي ديار الشواوي ** نبا نصير بماسطت نجد نرعاه

ترعين في نجد العريض متساوي ** ترعين نجد اللي عباله مسماه

حامينها اللي يبعدون الهقاوي ** يوم القدايم بالسيوف المحناه

ومن جالهم غازي يشوف البلاوي ** يشيب راسه في نهار المثاراه

بضرب السيوف اللي تعاوى تعاوي ** من ضربها تلقى الجماجم مرماه

هذي فعول اجدادنا بالاهاوي ** يوم(ن)كل(ن)مشهده فعل يمناه

ولاني بكبر بالعلوم الدعاوي ** هذا الصحيح ومن سعل عنه يلقاه

واليوم حنا في زمان المناوي ** والنفس تاجد كل شي(ن)تمناه

في ضل حكم(ن)مايجيبه شكاوي ** حكم الشريعه والعدل والمساواه

ويازين في المسجد سماع القراوي ** كلن معه مصحف بكفه ويقراه

وتلقى المدارس عامره بالنشاوي ** هذا خلص درسه والاخر تقفاه

كل(ن)يعرف الحق ماهوب غاوي ** العلم نور ومنهج الحق شفناه

وماراح يوم وعود الليل ضاوي ** ومالاح براق الحيا وانتثر ماه

صلوا على الهادي صحيح الفتاوي ** نبينا اللي ماتغير نواياه


الشاعر بدر عبدالحمن القوس

آخر تعديل الرااقي يوم 11-Jul-2011 في 01:43 AM.

[محمد الذيابـــي]

صح لسااااااااااااانه

التوقيع

التوقيع محمد الذيابـــي

[محمد العتيبي]

ويازين في المسجد سماع القراوي ** كلن معه مصحف بكفه ويقراه

وتلقى المدارس عامره بالنشاوي ** هذا خلص درسه والاخر تقفاه

كل(ن)يعرف الحق ماهوب غاوي ** العلم نور ومنهج الحق شفناه




صح لسااانه


ولاهنت على النقل الرائع ..


تحيتي
..

التوقيع

للتواصل عبر twitter تويتر al_bargawy@

[الرااقي]

صح بدنك وشكراً على التعليق

[متعب الند]

صح السان الشاعر.......... وشكراً ع النقل


وتقبل تحياتي