خلق البشر

[عبداللطيف الفضلي]

سبــحان من يـخلق من الطير قرنـاس = ومــن الكـواســر ضيـغمٍ ما يــهابِي
ومن الرجال اللي خذ الطيب نومــاس = يــبغى الستـيره من كــلام الغيــابِي
ومنهم له الهــيجا كما افراح واعـراس = يــجنــدل الـفرسـان يــوم الحرابِي
ومنــهم حكيــم وثـاقب القـول مـقـواس = لـه حكـمةـٍ في حـل كل الصعابِي
خلق الـبـشر يفـرق به اطياب وانـجاس = هـذا اصيــل وذاك كـلــه خــرابِي
مــعــدن بـعــضهم في تـواصيفه نحاس = وبـعضه ذهب وصفه يبيله كتابِي
يــاحــي قــومٍ فـعلــهـم يــرفــع الــراس = خضع لشـيـبتـهم جميع الشبابِي
في مـجلـسٍ عـالي رفـيـــعٍ عـلى سـاس = مجلس كرم ماصك له يـوم بـابِي
أشــتـــاق للــقــهـوة تــقلـــّب بــمحماس = تشب نارك والحطب لك يــجـابِي
دق النـــجــر واطبــخ لنا اليــوم بـقياس = ســمــرا حـسينه حسنها ما يعابِي
يــاريــحة القــهــوه ترى طيب الانـفاس = بـــهــارها هيــلٍ بـصفــرٍ عذابِي
عـز الله انـي في هــوى الكيف محتــاس = مـن دونــها تصبح حياتي سرابِي
ويا ما حـلا الجلسه على رمـل الاطعاس = في ليـلةٍ قـمــرا وومضة شــهابِي
نــجــومها تــضوي لها اشــكال واجناس = زيـنــة ســمانا ماحـلاها عــجابِي
وصـــلاة ربي عـــد مــاهـــب نســنـاس = وعداد ماسال المطر في الشعابِي
على نــبــيــنا المـصطــفى سيّــد النــاس = اللي مــسح بالـحق كل الريـــابِي

[محمد العتيبي]

الله الله


صح الله لساانك ياعبداللطيف على هذه الرائعه ..


تحيتي واعجابي
..

التوقيع

للتواصل عبر twitter تويتر al_bargawy@

[عناد الشيباني]

صح الساااااانك

مبدع

[عبداللطيف الفضلي]

الأخ العزيز محمد العتيبي صح بدنك


أسعدني مرورك الرائع


تحيتي العطرة لشخصكم الكريم

[عبداللطيف الفضلي]

عناد الشيباني صح بدنك


الأروع مرورك

[الــكــايــد]

الله الله


صح لساند مدد بلا عدد


مودتي

[عبداللطيف الفضلي]

الكايد صح بدنك


أسعدني مرورك



لك مني كل الود والتقدير

[مــعــدي الــعــتــيــبـي]

السلام عليكم

صح السانك


مبدع

[عبداللطيف الفضلي]

وعليكم السلام

مرورك أروع

تقبل تحيتي العطرة