مــــــــــآرآحو أهـل الجوود.......

[شاعر الدرع العربي]

بسم الله الرحمن الرحيم

[font=Arial]
]هذهـ القصيدهـ مسندها إلى :الشيخ/طلال بن فيحان بن هذال بن فهيد
وارد فيها على بعض الاشخاص في انتقادهم لمدح من يستحق المديح وبعض الشعراء اللذين يمدحون من لايستحق المديح

ماراحو أهل الجود والطيب ماراح=ينشاف بفعال النشاما دلايل
والشاعر اللي دايم أهجوسه شحاح=عن موهبة شعره يدور بدايل
الشعر يعطي صاحبه حق الافصاح=ويعطيه حق المدح فهل الجمايل
وليا زعل مغرض وراعي ومزاح=تبين في هرج الحسود الرسايل
ومادامت الأمداح بخلاص وانصاح=عنها بعيد النقد والشك زايل
فاللي فعوله كنه النور لنبآح=والكل يشهد له بجزل الفعايل
طلال وقفاته تسوق له الامداح=وبمدحه مادمت والراس طايل
سلايل اهل شداد وسيوف ورماح=مجده ورثه من الجدود الاوايل
وبالفعل لبس المرجله تاج ووشاح= وصيته فخر شيبان بين القبايل
واللي يبى الامداح تنبت له أجناح=المدح في لاشيء يالربع عايل
لو هو لبس بشت الكبر والتبجاح=أكوع ومداحه يضيع القوايل
مدام ماهو للمهمات نطاح= ينسى لو انه من عيال الحمايل

[ولد الضيغمي]

صح لسانك يا شاعر الدرع العربي قصيده جميله يعطيك العافيه

تقبل مروري

[شاعر الدرع العربي]

صح بدنك اخي العزيز ولد الضيغمي
اشكرك بعنف على مرووووورك

آخر تعديل شاعر الدرع العربي يوم 08-Jan-2011 في 08:00 PM.

[محمد عويض الثبيتي]

صح لسانك

تقبل مروري وتحياتي

[شاعر الدرع العربي]

صح بدنك محمد الثبيتي كما أنني أسف على التأخير

[شاعر الدرع العربي]

صحت ابدانكم جميعاً

[محمد الذيابـــي]

..



صح لسااااانكـ مليووون



وابن فهيد كفوووو ويستاااهل...



......

التوقيع

التوقيع محمد الذيابـــي

[شاعر الدرع العربي]

صح بدنك مشرفنا الغالي حتى ترضى
اسعدني مرووورك ولك خالص تحياتي