هنا ستكون ملحمة شعراء منتدى الهيلا بمناسبة اليوم الوطني

[فهيد مقعد الرويس]

المشاركة الأصلية كتبت بواسطة مرزوق حمدان العتيبي

.

بسم الله والصلاة والسلام على رسول الله

وبعد : نرفع اجمل آيات التهاني والتبريكات لمقام خادم الحرمين الشريفين
والى سمو ولي عهده الامين وسمو النائب الثاني بمناسبة اليوم الوطني
وللشعب السعودي .

احبتي للوطن علينا حقوق كثيره مهما قدمنا له لن نوفيه حقه
لذا طرح الشاعر الكبير عيضه الثبيتي هذه الفكره
وصاغ ابيات بدايتها الشاعر الدكتور حمد العصيمي

هذه الفكره توضع بيتين بهذه المناسبه يكمل عليها كل شاعر ببيتين
تبعاً حتى تكتمل القصيده
وهي بعنوان الوطن في قلوب شعراء منتديات عتيبه الهيلا
المشاركه مفتوحه لكل اعضاء هذا المنتدى من ابناء قبيلتنا والقبائل الاخرى فالوطن للجميع..

الشروط
التقيد بالوزن والقافيه وعدم الخروج عن المضمون من النص .

القصيده فاليوم الوطني ومنجزات خادم الحرمين الشرفين (ابو متعب) اطل الله في عمره
على طاعته .
....

ابيات بداية القصيده

د حمد العصيمي

ليا هب الهوى والا ركد يا راية الاسـلام=تبا تبقين في صدر السما باالعز خفاقـة
يمرالوقت وتلف السنين وتمضي الاعوام=وبيرقنا السعودي منتصب والسارية ساقه

مرزوق حمدان العتيبي

يدوم الله عزك في ذرى اللي يسدي الاكرام=سليل المجد ابو متعب ياكثر الطيب باعماقه
زعيم ٍ ساعة الشده يقوم ويلجم الاخصـام=وفي وقت الرخاء جوده خيال ٍ زاد براقـه

سعد بن مطلق المقاطي

على حوض المنايا قد قطنا تشهدالحكـام=نبيع الروح لجلك ياوطن والدين وإشراقه
تحت راياتك اللي ماتنكس والهـدف قـدام=يغيب الخوف عنا والنصر معشوقآ اعشاقه

عيضه الثبيتي

هذا يومً من أيام السعد ومن أطيب الأيام=نجدّد للوطن عهده ولابن سعود ميثاقـه
تباهى ياسماء المجد التليد وغن للأعلام=وقل للريح تنثر عطرها لن جات منساقه

حمود بن خيشوم العصيمي

بذكرى يوم توحيد البلاد نجهز الاقلام=نبا نكتب شعر للمملكه ونعطر اوراقه
تطور ما يصدق في بلدنا يشبه الاحلام=نهضنا يوم نور العلم عم بلادنا انطاقه

ابن سرحان الثبيتي

تذري في جنوب عيالك ودوسي على الاقزام=رياجيلك خطاهـم للعـلا والمجـد سباقـه
نبا نفخر بمن عزز بناك وحطـم الارقـام=ونبرا من سقيم العقل راع الكذب والباقـه

زبون المخاسير

تحت حكم المليك العادل الزيزوم والضرغام=نهج نهج الشريعه يا عساه بحفظ خلاقـه
وحنا دون حدك يا وطنا والعـدو منظـام=تباهي يابلادي والمعادي منصـرم ساقـه

أبو الوليد

مؤسسها الملك عبد العزيز الفارس المقدام=على مبنى وثيـقٍ نفتخـر دايـم بوثَّاقـه
رفع راية نبي الله وعالج جملـة الاسقـام=وصارت مملكة بالحق والإحسان نطّاقـه

مقبول الشيباني

غلاها ساكنن في كل خافق شرق ويضا شام=سعوديه عربيه لها الاشعار مشتاقه
بلاد الدين والنخوه ودار العز والانعام=حماها الله من شر النجوس وكل بواقه

اتشرف بالمشاركه مع اخواني

وحنا ياوطنا درع من دونك وحدحسام=سعوديين مافينا لك الله قاطع الساقه
نبيع الروح فالواجب ولاننشد عن السوام=لاجل عبدالله وسلطان ونايف مفني العاقه

[عبد الكريم العازمي]

عسى ربي يضل المملكه في ضل هـ الحكام=ويعمر بيته المحمي ويعمر ذروة أرواقه
مدام أبوخالد وأبو متعب لهم عليه زمام=فلاخوفً عليكم ياشعوب ولفتّ الباقه

مشاركه مني وعساها قد المقام

[فهيد الايدا المورقي]

على الدين القويم وشرع ربي والبلاد اسلام=نزف اجمل تهاني للوطن واهديلهم باقه
وطنا يوطنا جعل هالفرحه تدوم اعوام=عسي راية بلادي دايم ن للعز خفاقه

التوقيع

حسابي في تويتر faheed_1234

[يوسف العازمي]

بلادي عشت في ظل الملوك اللي لهم مقام=سلامن لـ سلام و للعداء بسم دفاقة
بعد وحدك أبو تركي و حطو لسلام انظام=معد يغدي لكل الناس لا شاة ن و لا ناقة

يوسف العازمي

[ابو عبد الإله]

نحبك ياوطنا مثل حب العاهل الضرغام=ابو متعب حبيب الشعب وسط الجفن واحداقه
وعهد منا ولك والله ماتقٌرب ولاتنضام=وتبقى رايه التوحيد فوق الكل خفاقه

[أبوزبن البراق]

اسعد الله مساكم..

صح لسانكم وبيض الله وجيهكم وماتقصرون يعطيكم العافيه
والوطن يستاهل..

[بندر المرشدي]

بيض الله وجيهكم جميعا



وصحت السن الشعراء

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه

[مشاري]

بيض الله وجيهكم جميعاً

والوطن يستحق اكثر من ذلك

تحيتي

[ابن بشيّر]

صحة ألسنتكم وبيض الله وجيهكم

ولا هي غريبة على شعار عتيبة والوطن يستاهل


لا هنتوا جميعا

[فواز السعيدي]

اجمل الشعر هو الشعر الذي يحاك في الوطن

/////////
...................


فكرة ناجحة جداً


بيض الله وجه ابو فيصل على هذه البادرة


وصحت السن جميع الشباب المشاركين


..


تحياتي

التوقيع

حنـا هذيـل ان صـار فالعلـم زرقــه=نغضب غضب سيل الربوع ودماره حريبنـا يونـس علـى الكـبـد حـرقـه=نهـدر هديـر السيـل لا جـات غــاره مهما حصل مايدخـل الصـف فرقـه=نورث شجاعـه والشجاعـه شطـاره مجـد اهذلـي مايقبـل الوقـت درقــه=درع الحجـاز وفزعـتـه وانتـصـاره مـن طبعنـا مانسـرق المجـد سـرقـه=يشهـد لنـا التـاريـخ باحـسـن عـبـاره