خوالي العتبان

[عبدالرحمن السحيمي الحربي]

[align=center]السلام عليكم ورحمة الله وبركاته :-
يسعدني ويشرفني ان اكون احد اعضاء هذا المنتدى الأكثر من رائع
وبالمناسبة هذه القصيدة قلتها في خوالي العتبان من فخذ (( الجعده )) خصوصاً
ولكل من قال انا عتيبي عموماً . واتمنى ان تنال على اعجابكم .
ولكم مي جزيل الشكر والاحترام ؛؛؛؛؛؛؛؛؛؛؛؛

بني جعيـــــد اللي نبـــاهـــــم يســـلي = أهل الوفـــــاء والمرجلـه والتـراحيب
وليـــا دخــلت أبيوتهــــــم مــــا تمـلي = تلقى الكــــرم والطيب تلقى المواجيب
عـــزاً على اطــوال الشــواهيق حـلي = ودايم مكـــــانه فوق روس المــراقيب
عتبــان من جــــاء بينهــــم مــا يذلي = أهل الشجاعــــة ما بهــم شك أو ريب
وقفـــاتهـــــم وقفت شجاعـــاً يســــلي = سيفـــــه ولا يلحــق قصيــرة ذواريب
واليا احضروا مثل السحــاب المضلي = يروي ضماء الضميان حلو المشاريب
ذولا خـــوالي لا عصى الـوقت من لي = انشهــــــد انهــــم فـــالـوازم شواهيب
واللــه يبيض وجــــــه راع المحــــلي = اللي بنــــاء بيتــه على العـــز والطيب
محمــــــد اللي غيث طيبــــه يهــــــلي = على بني عمـــــه وحتى الصــــواحيب
لـــه من ضميـــر صــــادق الـــود كلي = هـــذا كـــــلام الطيب زين المكــــــاتيب

عبد الرحمن بن سعد السحيمي الحربي

[عبدالمجيد النفيعي]

لـــه مـــن ضـمـيـر صـــادق الــــود كــلــي ،،، هــــذا كــــلام الـطـيــب زيــــن الـمـكـاتـيـب

كفو والله وبيّض الله وجهك

ياراعي الطيب نبع زين المكاتيب

وحياك الله بين أخوانك لو ماهم خوالك يابناخي آلاد جعيد

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

[ابن صنهوت]

صح لسانك وحياك الله

[فهد علي العازمي]

صح لسااااانك يالسحيمي
والنعم فيك وفي خوالك

[عبدالرحمن السحيمي الحربي]

السلام عليكم ورحمة الله وبركاته

اشكركم على مروركم الذي يزيدني شرف ورفعه
والله يعلم ان كل من قال انا عتيبي له محبه خاصه عندي
لأنكم اهل نخوه وفزعه ولي الشرف ان خوالي العتبان ؛؛؛؛؛؛؛؛؛؛؛؛
وتقبلوا تحياتي واحترامي ؛؛؛؛؛؛؛؛؛؛؛

[سـعـد الـعـازمـي]

صح لسانك

ويستاهلون الجعده


تقبل مروري

[أبو مرحبا]

صح السانك

وانت في محلك وبين اخوانك

وسعداء بمشاركتك معنا

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[شامان]

والله ونعم في البناخي والخوال ..


حيآك الله يابو سعد في حلال عتيبه الهيلا ..

والله يحييك .. وتواجدك بيننا يشرفنا ..


وقبيلة حرب قبيلة عزيزة نكن لها كل حب وتقدير ..

حيآك الله مرة ثانية ..