يا بحر xxللشاعرxxسالم الرويس

[العنيد]

الا يا بحروالله ان فرقا الولايف شيـن = ولا انته ببحريني ولا نيـب بحرينـي
غريبين دارك وين وانا دياري ويـن = عسى الله يكون بعون كل الغريبينـي
تلاطم مياهك ضايق الصدر يا مسكين = لعله يروفك من يـروف المساكينـي
يمرك خلي البال ما لـد فيـك بعيـن = وانا ساع شفتك عنك ما حولت عينـي
احس اني اعرفك منول مهوب الحيـن = ولو ان ما من معرفه بينـك وبينـي
اعرف الوجيه اللي نحتها العنا والبيـن = على قول راع السالفه خبـزة يدينـي
واعرف الدموع اللي على وحده وثنتين = تعلـق بعينـك كنـهـا تاتناديـنـي
اقدر ظروفك وانت دمعك يبل الطيـن = وانا كيف الومك وانت دينك على ديني
وانا قصتي يا بحر قصه تهز الصيـن = لها في وجيه أهل الكرامـه عناوينـي
لها جرح يبقى في خفوقي ليوم الديـن = أجل عاد وانها قطعه مـن شرايينـي
تبى تشتكي لي غيبة الأهل والغاليـن = انا مثلك اشكي غيبة أهلـي وغالينـي
تبي تشتكي لي حيٍ اقفى مع المقفيـن = انـا ماعرفـت الا وجيـه المقفينـي
تبي تشتكي لي طعنة السيف والسكيـن = تهايق بصدري وانت تلقى السكاكينـي
واذا كان تاتبكي وتنثر دمـوع العيـن = تراني علـى حـد البكـا لا تبكينـي
دخيلك كفايه لا تجيني بوجـهٍ شيـن = انا اللي لقيته مـن زمانـي مكفينـي
اقوله ويا درب الشقا متعب الماشيـن = على وين يـا درب الشقـا تاتودينـي
ولا يا بحر باكر يجينا بوجـه زيـن = عسى الله يفرجها علينـا قـل آمينـي

[متيم عتيبه]

العنيد لاهنت علي القصيدة الجميله وصح السان قائلها

[صـويب الرمـــش*]

وانا قصتي يا بحر قصه تهز الصين *** لها في وجيه أهل الكرامـه عناوينـي
لها جرح يبقى في خفوقي ليوم الديـن*** أجل عاد وانها قطعه مـن شرايينـي
اخوي العنيد ,,,,,,,,,, طول الله عمرك وتسلم يمينك وصح لسان شاعرنا الرويس

صحيح ابيات اقدر اسميها ( جرح )
تحياتي لك

[((الدلبحي))]

صح السانك والسان صاحب القصيده

تحيااااااااااااااااااتي

[الفراهيدي]

العنيد يعطيك العافية

وصح لســـانك ولسان سالم الرويس

جزل وتمتعنا دائم بالجزل ...

لا هنت يالغالي..

التوقيع

AL-frahedi@hotmail.com