قيعان النقا جرهديه

[محمد متعب الحافي]

واحب ان اهدي اليكم هذة الابيات المتواضعة امل ان تحوز على رضاكم وان تكونو راضين عنا كل الرضا------------
واللة ولي التوفيق--------




اليل موحش والضما نشف البيد
ياصاحبي ليل العطش مهمهيه
واللة مدري وش تقول التناهيد
بس الوكاد أن الطعون مخبيه
أسج من دونك وانا شوفي بعيد
عيني على هاك السنود محديه
أنا رفيق مبركين المناقيد
لمصالف العسرات راهي شويه
وانا خوي محشمين الاجاويد
إن عودت ياصاحبي للحميه
النفس شرهه والمطايا مقاويد
أذهن تنوخ فى الدروب الرديه
وكانك تقول إن الليالي تساهيد
تعوض الله والعزاء فى البقيه
وش عاد ترجي ما وراها مواريد
ماعاد هي بعلومنا الاوليه
ما تسند الميله زنود" رعاديد
سند وقيعان النقا جرهديه
وانا رفيقك .. وانت يامترف الجيد
مالك عن اللي ناوي القلب نيه
هاك الغلا..وايامنا ..والمواعيد
والمزنه اللي هدلت عقربيه
عذر" يمجد وقشة خطاي تمجيد
ولا أنت ما ترضى الغليبه عليه
وش عاد لو كان الضما نشف البيد
خل العباير بالصدور مخبيه



محمد متعب الحافـــــــــــــــــــــــــــــــــي

آخر تعديل محمد متعب الحافي يوم 09-Jun-2010 في 06:53 PM.

[مرزوق حمدان العتيبي]

..

.
جميله ومعبره ..
لافض فوكـــ...
وياليت تستفيد من موضوع كيفة التنسيق المثبت فالاعلى

..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD