عجمي العطاوي ( عصابة لو تنبحث عندها علوم )

[*(العطاوي)*]

	عجمي بن خصيوي بن زنعاف العطاوي العتيبي

ياهل العدالـه لأصبـح العـدل معـدوم=يامحكـمـة فــي خـلـق ربــي كتـابـه
يامطمنـة راس الـذي يبـغـي الــزوم=يافـزعـة الـلـي راح حـقـه نـهـابـه
يأمـيـر أنا مظـلـوم مظـلـوم مـظـلـوم=ظلـمـاً بــه المظـلـوم يشـلـح ثيـابـه
ظلم السفيه اللـي مـن الخيـر محـروم=مـن خلقته وأكيد لآخر شبـابـه
يامـر وينـهـا وكــل مـاقـال مـخـدوم=ومـن هيبـتـك ياسـيـدي لــه مهـابـه
وسوى يابومتعب مثـل باشـة الـروم=ولــولاك والله ماحسـبـنـا حـسـابـه
والصبر مر إلى أصبح الحـق مهضـوم=واليـوم حـقـي هاضميـنـه عصـابـه
عصـابـة لوتنبـحـث عنـدهـا عـلـوم=فيهـا الخيـانـه والــرداء والخيـابـه
شلة حـرامـيـة وسـرقــان ورخـــوم=تنقـل لنـا الأمـراض مـثـل الذبـابـه
أنجس من الفيران وأروح مـن الثـوم=ملـيـون غسـلـه ماتـزيـل الجنـابـه
خــوان عـهـد الله لـلـشـر زيـــزوم=أصبـح دمـار الـدار فــار الخـرابـه
نصب بمنصب وأصبح الصبح منجوم=ضعـيـف عـقـل وســاس مايقتـدابـه
يكـذب ويظلـم باسمكـم ظـلـم معـلـوم=وأصبـح يابومتـعـب عـزيـز جنـابـه
وظلـم مـن الجاهـل يعـالـج ومـذمـوم=وظلم مـن العالـم يضيـع الـدواء بـه
واليـوم هـو الـيـوم مابـعـد هالـيـوم=كــل عـلـى يمـنـاك يـاخـذ حـسـابـه
أنت الحكم فالشعب والشعب محكوم=والظـلـم ماتـرضـاه والـلـي سعـابـه
فأن كنت أنا كاذب فـلا منـك مرحـوم=تقطـع لسانـي وتربطـه فــوق بـابـه
وأن كنت أنا صادق نبي منك مرسوم=بطردة ردي السـاس راس العصابـه
وتشتيـت شمـل مجمعـة شـر وهمـوم=على الوطن وأهل الوطـن والقرابـه
وقـت اللـزوم رخـوم ماتنطـح القـوم=ووقت الرخاء شجعان مـاتنـتجابـه
دكاتـره فالـكـذب والـسـرق والـنـوم=ثعالـب أمـس اليـوم صـارت ذيابـه
لو أزعـج الأصـوات مانـي بمليـوم=شفـت الــذي يامـيـر مـاحـدٍ درابــه

منقول

[فلاح النفيعي]

صح الله لسانه

قصيدة قووووووويه

[*(العطاوي)*]

صح بدنك
ومشكــور

[فهد علي العازمي]

صح لساااااااااانه قصيدة قوية
بس هل أتت بنتائج؟؟

[سلمان سعد العتيبي]

المشاركة الأصلية كتبت بواسطة فهد علي العازمي

صح لساااااااااانه قصيدة قوية
بس هل أتت بنتائج؟؟

صح لسانه

نطالب اللي حط القصيدة بالمنتدى انه يعطينا القصة كاملة و هل اتت بنتايج

[*(العطاوي)*]

الاخوان فهد علي العازمي وسلمان سعد العتيبي شكرا على اهتمامكم ؟
وتقبلوا تحياتي واحترامي وتقديري

[*(العطاوي)*]

مــــلاحظـــه : القصيــده سبـق وأن تم تنزيلها في أكثر من منتدى دون علم صاحبها وفيها أخطاء بسيطه ألا أنها في أحد المنتديات زورت تزويراً خطير جداً ؟
وأمرني صاحبها بعد تعديلها من قبله بتنزيلها في منتدى عتيبه الهيلاء للحفاظ عليها من التزوير فقط وليس للنقاش.
والمعذره وتحيـــاتي وأحــترامي وتقــديري للجميــع