ياأهل المكاشيت والسمره (فكاهيه بالمكشات وأهله)

[سفر الغبيوي]

ياأهل المكاشيت والسمره= خويكم كيف تنسونه
مكشاتكم بينكم خشره= والعود يومي لكم شونه
عمي بدا وأشعل الجمره= من خوف لاالربع يشنونه
وأعطاهم الراي والفكره= والربع ماهم بيعصونه
وأختار عساس من بكره= ايعس منزال مامونه
والكبش جابه كما البكره= جرّه لهم جر بقرونه
من عقبها قال مفتره= كل ايقدم ابماعونه
وأحتاسو الربع في الجره=صارت من العج مدفونه
فارس تزهل بها مره= وأختار وجبات مجنونه
عقبه نجر قال من حره= شاتي مع الرز مقرونه
منصور عقب أنهوا السهره= قال أزهل الفرش والمونه
وعبدالله أغتاض من صبره= اخيامهم جابها عونه
عزيمة جات بالطمره= عقب أكلت الرز بصحونه
مدري من الزبد والتمره= خويهم غصب يجفونه
ياشينها ياعرب دبره= خويهم مايدانونه
من يعتبر يأخذ العبره= من واحدن شاف بعيونه
والله لوّ أشرب الخمره= لأشريه في وسط جالونه
وأشربه وأجرب السكره= بأسباب نيات ملعونه
ياحمود يامخاوب المره= بالطيب وعلوم مازونه
أوميت ياخوك بالغتره=درب السنع لاتكبونه
النفس ماهيب منسره= بالغيض ياخوك مشحونه
والكبد بالحيل منفطره=والقلب وازيه طاعونه
ياحمود ياطيب العشره=ناديت والصوت توحونه
بالله تحجزلي النمره= كاننها منك مسنونه
يمناي ماهيب منقصره= والجيب ماهيب محنونه
والرجل ماقيل منكسره= والدرب ياعنك مادونه

[فتى الروم]

يهل المكاشيت والسمره خويكم كيف تنسونه
يعطيك العافيه وبيض الله وجهك

سجل اعجابي

[((الدلبحي))]

صح السانك

ابيات جزله

تحياااااااااااااااااااااتي

[طير الهيلا]

	أوميـت ياخـوك بالغتـره=درب السنـع لاتكبـونـه النفـس ماهيـب منسـره=بالغيض ياخوك مشحونـه والكبـد بالحيـل منفطـره=والقلـب وازيـه طاعونـه

صح لسانك تحيااااااااااااااااتي

[سفر الغبيوي]

أشكر للجميع مرورهم ،، وأشكر لكم جميعا ثناءكم وكلماتكم الطيبة

مع تحياتي وتقديري وأعتزازي لكم وبكم

أخوكم

أبوطلال