ما فيه لامراض الخيانات طبي

[راع القايده]

ما فيه لامراض الخيانات طبي
--------------------------------------------------------------------------------
اهـــــــــــــــــداء لاهل الخيانات اللي ماتراعي شعور المحبين

ارسل بطاقه لي يقول احتفـل بـي= عنده عرفت ان العروسـه حبيبـه
ما يدري ان اللي خذى نبض قلبـي= ما يدري انه من جروحـي قريبـه
عقب البطاقه قمت ودعـت حبـي= وحسيت مالي بين الاحباب هيبـه
لو خبرتني بـا الخطوبـه وربـي= من غير ما تطلب مني كان اسيبـه
ان جيت لم العرس وشلون اخبـي= ون ما حضرت العذر من وين اجيبه
وتجمعت كـل المصايـب بدربـي= حزن وقهر واحساس ذل وغليبـه
ودارت بي الدنيا وضيعـت دربـي= عيب الزمن ما يعرف اسرار عيبـه
وناديت باعلى صوت ما من ملبـي= لا والله الا راح عمـري نهيـبـه
حبيت لكن طيب قلبـي لعـب بـي= باعن زريف الطول ربـي حسيبـه
ما فيه لامـراض الخيانـات طبـي= من خان تانيب الضمايـر طبيبـه
فضحت نفسي ما اقدر اسكت واخبي= (مصيبتي يا كبرها مـن مصيبـه)
جرعت غدر الخـل علقـم وشبـي= لجل الوفا راحت حياتـي ضريبـه
مثل العمى لامن وقع وسـط جبـي= باارضن خلى ما جاوبه غير ذيبـه
ما من ذرى لا سرت وسط المهبـي= ومامن دوى للي جروحـه عطيبـه
لو ما حصل لي حاصلن (لمتنبـي)= في وجه (سيف الدوله )يشق جيبه

المعذره ترى كل الكلام هذا من مخيله وليس بالصحيح مثل مايقولون تفاكير .......