صاح صوتي ياعتيبه

[فهد خلف الشمري]

السلام عليكم ورحمة الله وبركاته


ماحب اعطي مقدمات قبل القصيده
لكن للقصيده هذي معنى ، ومقصد اخر
بعد شتيمه وصلتني من شخص
افتخر باصلي وافتخر بخوالي ، ويحق لي

اتمنى ان تقبلونها كما هي


صاح صوتي ياعتيبه


.
.
.

والله إنك ياضعيف النفس والطـاري " هزيـل=منت وجـهٍ للملاقـى فـي الليالـي الصعيبـه
شوفني لا ما تزعزع ، مامثل " مثلـي " مثيـل=الف رمحٍ من يمينك ماقـوى صـدري يصيبـه
والله إن أطلق شنب يبوس رجلـي ثـم يويـل=دام عزي " بالطنايا ، وعز خالي فـي " عتيبـه
حنا تدري ويش حنا ؟! حنا " ويل " و الف ويل=جن " و جنون " و مجنن " يعترينا الـف هيبـه
أسمي لامنك سمعتـه جيـت يفزعلـك خليـل=كيف لو تلمح ظلالي ؟! والله إنك فـي مصيبـه
أنتا توحي خطوتي من خلف " ميه " و الف ميل=النعامـه بالمـلاقـى ماعرفـنـا إلا ذنيـبـه
منت كفـو لبنتنـا ياصاحـب الـزول الذليـل=بنتنا عن الف رجلٍ ، ولا تدري .. عن كتيبـه
بنتنـا والفيـن رجـلٍ منكـم والوقـت لـيـل=لله ايعين { الغنم لاصار وسط ايديـن .. ذيبـه
ويش حاجة هالسواقي لنقطع عـرق " النخيـل=ويش حاجـة هالقرابـه دام شحـك " للقريبـه
منت وجهٍ " للقهاوي " وحمس بن " وريح هيل=منهو كبرك ياهزيل الحين يـدرع فـي حليبـه
اللي مثلك كل همه " جنط " وجنز أخـر موديـل=والضحيه بانحرافه موس يشعـط فـي شنيبـه
كل همـك المرايـا تقـول عنـك .. ياجميـل=عشت قصة " سندريلا يوم تبحث عـن حبيبـه
عشت قصة " ميكي ماوس فارٍ يهابه الف فيـل=لا وأصحى من سباتك عيش تدفعهـا ضريبـه
انت لعبه فـي يميـن الوقـت يتقنهـا هبيـل=أنت عوره في جسد هالكون مايستـرك عيبـه
ماعرفت من الملاقـى غيـر عضـات الشليـل=لاتمس النار ياهوه وأنت تخشـى مـن لهيبـه
أنت تدري الطيب صعب الطيب مايخـدم بخيـل=واللـي يتّصنـع جزيلـه اباقـول الله حسيبـه
الحياه أصعب ترى " جيلٍ ورى " جيلٍ " و جيل=وأنت روضهـا تراهـا تفهـم المعنـى لبيبـه
دام ظلي لالمحتـه جيـت تشكـي لـي عويـل=جبت " رمح وجبت " خنجر تطعنه يمكن تصيبه
والله إنـك ماتصيبـه لا ولا لـك أي سبـيـل=دام " شمر في يميني ، وصاح صوتي يا " عتيبه

.
.
.

فهد خلف الشمري

[ابو محمد الدعجاني]

صح السانك واعتلا شانك يافهد

ونعم والله فيك وبلابتك وفي خوالك يالذيب

[فهد خلف الشمري]

المشاركة الأصلية كتبت بواسطة ابن غزاي الخظري

صح السانك واعتلا شانك يافهد

ونعم والله فيك وبلابتك وفي خوالك يالذيب

الغالي / ابن غزاي الخظري

صح الله بدنك يالغالي ونبض قلبك
وشانك مايهون يابعدي
ماعليك زود يالغالي ، ونعم فيك
حياك الله بين صفحاتي

لاهنت

[عبدالرحمن الهيلوم]

أرحب تراحيب المطر

غالي يابعدي ومن غالين
لا وبعد بناخي

صح الساانك وبنانك
ومنور المنتدي بطلتك يالذيب

[ابو مشاري]

صح لسانك يا فهد

على هذه القصيدة الرائعة

[فهد خلف الشمري]

المشاركة الأصلية كتبت بواسطة ابو مشاري

صح لسانك يا فهد

على هذه القصيدة الرائعة

الغالي / ابو مشاري

صح الله بدنك يابو مشاري
ونبض قلبك يالغالي
حضورك كان اروع يابو مشاري
حياك الله

لاهنت

[فهد خلف الشمري]

المشاركة الأصلية كتبت بواسطة عبدالرحمن الهيلوم

أرحب تراحيب المطر

غالي يابعدي ومن غالين
لا وبعد بناخي

صح الساانك وبنانك
ومنور المنتدي بطلتك يالذيب

الغالي / عبدالرحمن الهيلوم

لك البقى ياخالي
تبقى وتحيى يابعد راسي
صح الله بدنك ونبض قلبك
وهذا انعكاس نورك يابعدي
شاكر لك حضورك وحياك

لاهنت

[عبدالله الجـــذع]

صح لسانك يالبناخي الغالي

كفو والله تقول وتطول يابعدي

ونعم فيك وفي ربعك الطنايا وساع الطعون


وحياك الله

محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[فهد خلف الشمري]

المشاركة الأصلية كتبت بواسطة عبدالله الجـــذع

صح لسانك يالبناخي الغالي

كفو والله تقول وتطول يابعدي

ونعم فيك وفي ربعك الطنايا وساع الطعون


وحياك الله

محبك

.,

الغالي / عبدالله الجذع

صح الله بدنك ياخالي
وكفوك الطيب ، والطيب طيب من خواله
هذا طيبكم يابعدي
ماعليك زود ياعبدالله ولاهنت
الله يحييك ويبقيك ولاهنت
شاكر لك ياعبدالله

لاهنت

[ابو ضيف الله]

صح لسانك يا الابناخي على هذه القصيدة الجزله والنعم بك وبالطنايا

اللي مثلك كل همه " جنط " وجنز أخـر موديـل =والضحيه بانحرافه موس يشعـط فـي شنيبـه
كل همـك المرايـا تقـول عنـك .. ياجميـل =عشت قصة " سندريلا يوم تبحث عـن حبيبـه
عشت قصة " ميكي ماوس فارٍ يهابه الف فيـل =لا وأصحى من سباتك عيش تدفعهـا ضريبـه

هههههههههههههههههههههه

اضحك الله سنك يا فهد

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين