هذا المعروف عن ربعي عتيبه ( رشيد الزلامي ).

[أبونواف]

قصيده للشاعر الكبير رشيد الزلامي

هذا المعروف عن ربعي عتيبه = ليا ناش الزند خشم الفتيله

الى

أكرام الضيف والجيران منها = ومنها وقفة دون الدخيله

اللي يعرفها ياجماعه ضروري أنا بحثت عنها ولم أجدها ...

[فيصل المسعودي]

بحثت عنها في الإنترنت ووجدتها

في أحد المنتديات ياأبو نواف

وأتمنى من عنده إضافة أو تصحيح يساهم معنا فيه

فقصائد أبو جميل خالدة مادام الشعر خالداً

الاياناشد(ن) عني سؤالك = افكر فيه مدري وش دليله
تركته يوم وجهته لغيري = وبرق(ن) صد عنا ما نخيله
يقولون الرجال اهل المعرفه = الى شفت المخالف دع سبيله
ويوم انك طلبت العلم مني = يجيك العلم وضلوعك تشيله
لو انك من عرب ذيك الجزيره = عرفت ان كان في عقلك عقيله
تعلمك الليالي من حنا = بفعلن يذخره جيلن لجيله
وعلى بعد ترى عندك شهاده = شهاده حق جت به والوسيله
تقول انك سمعت عن الزلامي = واجل يا صاحبي ويش تحكيله
اضنك فالج نفسك بنفسك = وفالج حجته وش يدعي له
لاكني صرت ملزم با الاجابه = ولا ودي تجي نفسي بخيله
فأنا يابن الحموله من حموله = وانا من قوم وانا من قبيله
قبيله تعترف فيها القبايل = عتيبه مرويت حد الصقيله
لهم عادات وسلوم(ن) صعيبه = على الي ما يقوم ابها ثقيله
حقوق الضيف والجيران منها = ومنها فزعة(ن) دون الدخيله
ومنها من شكى الظيم وزبنا = نشيل الحمل عنه ونرتكي له
ومنها من تحدانا نحده = بنمراً تخلف العقل وتزيله
وشجعانن ترد حوض المنايا = نخل الضد ما يبرد غليله
هذا المعروف عن ربعي عتيبه = الى ناش الزند خشم الفتيله
((بدون قصور في باق القبايل = على ما قيل كلن له حصيله))
((وفي كل دار حقه من رجاله = تكيل الصاع والثاني يكيله))
كفا التعبير والي جاك كافي = وغريب الدار لا تظهر حفيله
تباتفصيل عن قصة حياتي = اخذ مني تفاصيل(ن) قليله
ولو ما قلتها عن كبر سني = لاكن التجربه صارت طويله
قظيت العشر من عمري صغير = افكر فالامور المستحيله
وعرفت العلم بين امي وابوي = وانا ماغبت عنهم خطو ليله
وبتالي قسم ربي واراد = ومشينا السير وسيره طويله
وساقتنا الخطى في كل دار = عرفنا اهله وعدلاته وميله
وجابتنا مقادير الزمان = وحيل الله يغلب كل حيله
وصلت بلادكم ماهوب ودي = ومقسوم الفتى لازم يجيله
فأنا ماني مواطن في بلدكم = انا طرقي ومطوين صميله
بلدكم ما ينسينا بلدنا = بلدنا نجد ما نلقى مثيله
بلاد تحت حكم اخوان نوره = بدت با العز ما عاشت ذليله
تعيش ايامها عدل وعداله = وتعيش ايامها خير وفضيله
بلد فيصل ومن يخلص لفيصل = حشى لله ما نبغي بديله
سعوديين ما ننكر وطنا = وغال الروح يرخص في سبيله
يشرفني اذا قلتو سعودي = وهاذا الاسم فوق الراس اشيله
هذا رمز المروه والشهامه = ولي زود الشرف يوم انتمي له
بلدكم ما ينسينا بلدنا = بلدنا نجد ما نلقى مثيله..

[أبونواف]

ومنهـا مـن تحدانـا نحـده
=======بنمر اً تخلـف العقـل وتزيلـه

تعديل فقط (بنمراً )




مشكور أخوي فيصل المسعودي وبيض الله وجهك كفيت وفيت لاعدمناك ولي مده وأنا أبحث فلم أجدها ..

ياالغالي ولك ودي وتقديري ....

آخر تعديل أبونواف يوم 25-Apr-2009 في 07:42 PM.

[فيصل المسعودي]

هلابك أبو نواف

تم التعديل ياغالي

أنا قمت بنسخها من المنتدى الذي وجدتها فيه إلى هنا

ونحن ماسوينا الا الواجب

شكراً لك ياغالي

تحياتي

[محمد العتيبي]

ابو نواف

مشكور على السؤال الذي أتى من ورائها قصيده

عالميه لمصنفر الشعار .. ابو جميل ..

الشكر الجزيل موصول لابو منيف الذي اضاف لنا هذه الرائعه ..

وتم تعديل العنوان .. بعد اذنكم

وتحيتي لكم جميع
...

التوقيع

للتواصل عبر twitter تويتر al_bargawy@

[أبونواف]

محمد العتيبي
ههههه
لاشكر على واجب وكله من فضل مشرفنا الغالي فيصل الله لايهينه ولايهينك ..

[سلطان نايف العضياني]

مشكورين كلكم ويحيا الشعر الحقيقي

[بعيد الشوح]

صح لسان أبو جميل

موضوع مشترك ماشاء الله كل مشروك مبروك

لاهنتوا جميعا ًولكم الشكر الاوفر ..

[أبونواف]

القصيده هذه في غاية الجمال لم أمل من قراتها أبدا

أطال عمر أبو جميل وأمد الله بالصحه ..

[ابن صنهوت]

فيصل بيض الله وجهك ولا يهون ابو نواف

وابو جميل شاعرنا الله يطول بعمره