::: متعافي واطرب مع كل فني..! ::: - الهيـــــــــــــلا *** منتدى قبيلة عتيبة

الدّيري · 25-Apr-2004, 08:33 AM

[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يالله ياللي هقوتي فيك كبرا=وانت الكبير وشاغفن فيك ظني..
الطف بعبدن في ذراك يتذرا=وابعد شرار امجنن الخلق عني..
ويازياد ابوك وتلتهب فيه حرا=كنه على جمر الغضا مستكني
من زود مابه مالقاله مقرا..=مدواج رجله فيدها بالتمني..
أضحك وأنا اونس فالمعاليق شرا=من زود مابي يجفل الضحك مني..!
كني ضرير ولابته ما تبرا..؟=وعينه على شوف الجماعه تحني
ولا كما اللي فالسلاسل يجرا..=ولا كسيرن بين أعاديه كني..؟
من مربه يازياد قام ايتزرا..=قرمن على بعد الولايف يوني..
يازياد والله ماشكيت إلك ضرا=متعافي واطرب مع كل فني..!
ارجي واناجي واحدن مايغرا=ربن على باب العطا مايمني
يرجعلي اللي ناذرن فيه نذرا..=يبقا ابعيني لو عيونه جفني..
أناشد الله رجعته واتحرا..=كود الليال ابشوفته يسعفي..
يازياد وقتك بين بردن وحرا..=هبايبه .. يازياد ماينجدني..
نوبن لهيبه يجبرك واتعرا..=ونوبن جليده يودعك تستجني..
ومن لايمك يا أيوب لا قلت صبرا..=والصبر سيفن للعقايد يسني..!!
[/poet]

سطام بن فهيد · 25-Apr-2004, 11:16 AM

صح لسانك مليون

ولاعدمنا حرفك

عساك سالم

وتحياتي

اخوك
سطام

المورقي22 · 25-Apr-2004, 01:54 PM

صح السانك

ملااييييين

ولاهنت على هالجززله

تحياتي لك

كديميس السيحاني · 25-Apr-2004, 08:07 PM

الأخ / الديّري
صح لسانك ولاهنت
لقد لجأت لمن لاملجاء منه الا اليه
ونسأل الله ان يعود لك من ترتجيه
وتقر عينك به 0

تقبل تحايتي وتقديري
اخوك / ك 0 ف 0 السيحاني

التوقيع

,
,,
,