شاعر المليون/سعود الحافي

[عقاب بن سقيان العتيبي]

عز الله ان شاعر المليون ماوده=الا بجمع الفلوس ولو على الشاشه
مايدري انا نحد الخصم ونلده=ما جت بنا يوم سرد الخيل منحاشه
جيناه بسعود لكن خاف ما عده=من خوف ناس على التصويت معتاشه
الشعر حنا هله ونعود في جده=مادام حنا هله ما يدخل انعاشه
نغليه غلي السمع والعين ونوده=ونصب له دلة الهيلا على فراشه
ونبسط له القدر وسط الصدر ونمده=نعز من قدره ونهوش من هاشه
نضرب على هامته بالسيف ونقده=ونخيبه خيبة اللي خاب مطراشه
اللي هذا ديدنه هات الشعر وده=طواش بحر تعب وش جاب طواشه
ماهيب لجيوب خلق الله منحده=اللي تبا جيوب خلق الله غشاشه
لو لا خطاه الغبي ما كلنا ضده=من غش لك دلته لاتشرب غراشه
اخذه بازارير حلقه يمك وشده=قله ترا الشعب دينه مغرق كاشه
جمهورنا من خطاكم واصل حده=الظلم لسعود الاخطل مالي جاشه
شاعر قبيله كبر في صدورنا رده=للعبة يبا يصوت الجمهور ياباشه
برنامج من حرامه فايض بنده=وده من فلوسنا ماتفضي خياشه
عودوا بعد شرهة الشيخان للكده=ولا انتجوا فرفشة لبنان وقماشه

شعر/ عقاب بن سقيان

[عبدالعزيز الغضبآنيٍ]

له بعد قصيده اخرى في شاعر المليـون.... اذكرها كانت ايام الموسم الثاني يا عقاب... شكرا على القصيدة

[عقاب بن سقيان العتيبي]

الاخ الكريم عبدالعزبز الغضباني
اشكرك على المرور
واتمنى لك التوفيق دائما.............

[عقاب بن سقيان العتيبي]

الاخ الكريم عبدالعزبز الغضباني
اشكرك على المرور
واتمنى لك التوفيق دائما.............

[عبدالله الجـــذع]

ابو زياااد

صح لسانك شاعر جميل

قصيده رائعه والله يوفق سعود


محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عقاب بن سقيان العتيبي]

الاخ الكريم جدا
عبد الله الجذع

انا شاكر جدا لك على مرورك ومتابعتك واحبك الله
اتمنى لك استاذي الكريم التوفيق دائما...............