ويقول هـذا يسبـق السبعـان والعتبانيـه

[دغيليب بن خنيصر]

هذه المحاوره جرت بينى وبين الشاعر محمد قبلان القثامى فى منتدى فنون المرقاب


البارحه قابلت مكفوف يقـدى لـه كفيـف
قـدام خلـق الله يبـا يرقيـه للضلعانيـه
خبل يدرج له كسيح من رصيف اليا رصيف
ويقول هـذا يسبـق السبعـان والعتبانيـه



القثامى

يافزعة الله ياكريـم وياعظيـم ويالطيـف
يامفطّن احمد لين قـام يراقـب العربانيـه
انا لقيت الي لقيته في الرياض وفي القطيف
هات الكتاب وحطلـه يالاسعـدي عنوانيـه

الاسعدى

كانك تبا العنوان فالعنوان يالرجل الحصيف
عان الرواسى راسيات ٍ ما لهن عمدانيـه
تبا تًفوز واحد مولود فى سنة الصريـف
مخرف ٍ راسه وينبـش فالعظـام الفانيـه


القثامى


تزرع بصل يطلع بصل ازرع قمح تاكل رغيف
ماني مفتش معك ياأحمد فـي العـوم الثانيـه
كريم يابرقٍ سرى جاله على القبلـه رفيـف
ياعنك مانفسي على المربـاع الـه شفقانيـه


الاسعدى

انا زرعت الورد والريحان فالحيد المنيف
واقول هذا ورد وانت تقول لى رمانيـه
واقول ثم آقول لك هذا ترى ماهو شريف
وانته سريت بسالفتنا يم بحـر عمانيـه

القثامى


ماودي انبش سالفه مضمونها المد القصيف
لكن غن وخلهـا تسـري علـى ليحانيـه
والله مانبدي عليـك الا بملبـوسٍ نظيـف
نويت اردك ليـن تطرقهـا علـى قيفانيـه

الاسعدى

من لايعدى عن حياضه فالسنان وفالرهيف
ينحونه العيال عنـد الـورد بالذرعانيـه
لارحم ابو من قال فالهيلا كلام فيه حيف
حرام لو شفته لاطقه مثل طـق الزانيـه

القثامى


يالاسعدي ماهمنا هرج المهرج والضعيف
يالفارس المغوار ميلها علـى الميدانيـه
حنا عتابه من جهل ينشد عن اعتابه ثقيف
الدلو دلوي والحن ماغير صوت السانيـه

الاسعدى

من غير قاصر فالرجال اللى لهم منسف وسيف
الناس تسمـع بالخبـر وتشـوف بالاعيانيـه
وقت المصادم والقشر نفرق وليف من وليـف
ماننثـنـى لاقالواالمـيـدان ياحميـدانـيـه

[علي الثبيتي]

محاوره قمه وصح لسانك ولسان القثامي

التوقيع

ماني بلا روقي ولا برقاوي = انا ثبيتي جد روق وبرقا